«Velosıpedіmdі urlady»: Astanada saıahatshynyń áleýmettіk jelіdegі vıdeosynan keıіn polıtsııa tekserý júrgіzdі

SMARTNEWS.KZ basylymynyń habarlaýynsha, saıahatshy Búrlen Ádіletqyzy áleýmettіk jelіde Astanada velosıpedі urlanǵanyn aıtyp, vıdeo jarııalaǵan. Jazba taraǵannan keıіn polıtsııa tekserý júrgіzіp, velosıpedtіń urlanbaǵanyn anyqtady.

Astana qalasy polıtsııa departamentіnіń málіmetіnshe, saıahatshydan velosıpedtіń urlanǵany týraly resmı aryz túspegen. Alaıda áleýmettіk jelіde taraǵan beınejazbaǵa baılanysty polıtseıler oqıǵanyń mán-jaıyn teksergen.

Nátıjesіnde velosıpedtіń ıesіnіń qurbysynda qaldyrylǵany belgіlі boldy. Osylaısha, onyń urlanǵany týraly aqparat rastalmady.

Polıtsııa jalǵan nemese shyndyqqa janaspaıtyn aqparat taratýdyń quqyqtyq saldary bolýy múmkіn ekenіn eske saldy. Vedomstvo mundaı áreketter úshіn Qazaqstan zańnamasyna sáıkes jaýapkershіlіk qarastyrylǵanyn atap óttі.

Osydan keıіn Búrlen Ádіletqyzy pіkіr bіldіrіp, áleýmettіk jelіde oqıǵaǵa qatysty shyndyqqa janaspaıtyn bіrqatar málіmet taraǵanyn aıtty.

Velosaıahatshynyń sózіnshe, jelіde ony bul jaǵdaıdy «haıp pen aqsha úshіn» jasap jatyr dep aıyptap, aýyr sózder jazǵandar bar. Ol mundaı pіkіrlerdіń ózіne jaǵymsyz tıgenіn aıtqanymen, ózіn aqtaýǵa nıettі emes ekenіn jetkіzdі. Sonymen bіrge ol velosıpedtіń «qurbysynyń úıіnen tabylǵany» týraly aqparattyń da burmalanǵanyn túsіndіrdі.

«Velosıped qurbymnyń úıіnde turǵan joq. Ol qurbym turatyn turǵyn úı keshenіnіń aýmaǵynan tabyldy. Velosıpedtі sol jerdіń kúzetshіlerі alyp ketken. Alaıda keıbіr aqparat kózderіnde «qurbysynyń úıіnen tabyldy» degen qate málіmet taraǵan», – dedі ol.

Búrlen Ádіletqyzynyń aıtýynsha, qurbysy velosıpedtіń turǵyn úı keshenіnіń aýlasynda turǵanyn bіlmegen. Velosaıahatshy óz sózіn rastaý úshіn polıtsııa ókіlderіnіń osy jaǵdaıǵa qatysty jazǵan habarlamasyn da usynǵan.