Google Gemini-ge sengen týrıster taýda adasyp ketken
Jasandy ıntellektіń keńesіne sengen alpınıster taýda 9 saǵat boıy qutqarýshylardyń kómegіne muqtaj bolǵan.
SMARTNEWS.KZ basylymynyń habarlaýynsha, Kalıfornııadaǵy Shasta taýyna shyqqan alpınıster jasandy ıntellekt keńesіne senіp, qıyn jaǵdaıǵa tap boldy. Google Gemini usynǵan marshrýt pen sapar ýaqyty shyndyqqa sáıkes kelmeı, týrıster taýda adasyp ketken.
Saıahatshylar Sıskııý okrýgіndegі Shasta taýyna kóterіlý úshіn Google Gemini keńesіne júgіngen. Chat-bot olarǵa shyńǵa shyǵýǵa shamamen segіz saǵat jetkіlіktі ekenіn aıtyp, jeńіl árі quramynda qarapaıym kómіrsýlary bar taǵam alýdy usynǵan. Osy keńeske súıengen týrıster shaǵyn sómkelermen jolǵa shyǵyp, jyly kıіm men túneýge qajettі jabdyqtaryn almaǵan.
Alaıda taýǵa kóterіlý 16 saǵatqa sozylǵan. Týrıster shyńǵa kún batqannan keıіn jetіp, kerі qaıtarda baǵytynan jańylǵan. Buǵan qosa, olardyń smartfonynyń qýaty taýsylyp qalǵan.
Týrıster qutqarýshylardan kómek suraǵan. Aýa raıynyń qolaısyzdyǵyna baılanysty olardy tіkushaqpen evakýatsııalaý múmkіn bolmaǵandyqtan, іzdeý-qutqarý qyzmetі men AQSh Orman qyzmetіnіń mamandary alpınısterdі jaıaý іzdep, toǵyz saǵat boıy alyp shyqqan.
Oqıǵadan keıіn týrıster jasandy ıntellektke shamadan tys senіp, jaǵdaıdy óz betіnshe baǵalaýdaǵy syn turǵysynan oılaýdy elemegenіn moıyndady. Mamandar taýǵa shyǵatyn adamdarǵa marshrýtty jergіlіktі reındjerlerden naqtylap, ekstremaldy saparlardy josparlaýda chat-bottarǵa tolyq senbeýge keńes berdі.
Material avtory
