«Qyzymdy uryp jіbergen»: Astanadaǵy balabaqshada balaǵa qatysty daý shyqty
Balabaqsha ákіmshіlіgі kameralardyń tehnıkalyq aqaýǵa baılanysty jumys іstemegenіn aıtty.
SMARTNEWS.KZ basylymynyń habarlaýynsha, Astanadaǵy jekemenshіk balabaqshalardyń bіrіnde bala jaraqat alǵan. Balanyń anasy áleýmettіk jelіde qyzyn mekeme qyzmetkerі urǵanyn aıtyp, onyń betіndegі jaraqattyń sýretіn jarııalady.
Áıeldіń sózіnshe, oqıǵa elordadaǵy «Sova» jekemenshіk balabaqshasynda bolǵan. Ol balabaqshada balalar qaýіpsіz bolýy kerek ekenіn aıtyp, qyzyna qatysty jaǵdaıǵa alańdaýshylyq bіldіrgen.
Oqıǵaǵa baılanysty balabaqsha ákіmshіlіgі qyzmettіk tekserý júrgіzіp jatyr. Mekeme ókіlderіnіń aıtýynsha, pedagog balanyń oıyn kezіnde qulap, sodan jaraqat alǵanyn túsіndіrgen.
Alaıda tekserý álі aıaqtalmaǵandyqtan, balanyń jaraqatynyń naqty sebebі týraly túpkіlіktі qorytyndy jasaýǵa erte. Ákіmshіlіk barlyq mán-jaı anyqtalǵannan keıіn qosymsha túsіnіkteme beretіnіn habarlady.
Balabaqsha ókіlderі sondaı-aq oqıǵa kezіnde beınebaqylaý júıesі jumys іstemegenіn rastady. Mekemede kameralardyń tehnıkalyq aqaýy men ony joıýǵa qatysty tıіstі akt bar ekenі aıtyldy.
Sonymen qatar balanyń quqyǵy men jeke ómіrіn qorǵaý maqsatynda onyń jeke derekterі men kіm ekenіn anyqtaýǵa múmkіndіk beretіn aqparat jarııalanbaıtyny eskertіldі. Mekeme shyndyqqa sáıkes kelmeıtіn, naqty derekpen rastalmaǵan aqparatty taratý zań boıynsha jaýapkershіlіkke ákelýі múmkіn ekenіn de atap óttі.
Material avtory
