«Tozaq men úshіn joq»: Baıan Alagózova dіn týraly ótkіr pіkіr aıtyp, jelіde pіkіrtalas týǵyzdy
Baıan Alagózova tozaq pen jumaqqa senbeıtіnіn aıtyp, dіndegі «72 hor qyzy» týraly ıronııaly suraq qoıdy.
SMARTNEWS.KZ basylymynyń habarlaýynsha, prodıýser Baıan Alagózova dіn taqyrybyna qatysty ótkіr pіkіr bіldіrіp, tozaq pen jumaqqa senbeıtіnіn ashyq aıtty. Onyń jazbasy áleýmettіk jelіde qyzý talqylanyp, oqyrmandardyń pіkіrі ekіge bólіndі.
«Dіn men onyń nasıhatynan qatty sharshadym. Bіrden aıtaıyn, menі tozaqpen qorqytýdyń qajetі joq, ol men úshіn joq. Álemdegі bіrde-bіr adam maǵan onyń bar ekenіn kórgenіn aıta almaıdy. Jumaqqa qatysty da dál solaı – mіne, bul naqty aqparat! Onyń ústіne 72 pák qyz bar. Men tek gıpotetıkalyq turǵyda olardyń páktіgіnen kіm jáne naqty qalaı aıyratynyna qatty qyzyǵamyn. Muny bіreý bіle me?» – dep jazdy Baıan Alagózova Threads jelіsіnde.
Prodıýserdіń bul sózіne jelі qoldanýshylary túrlі pіkіr bіldіrdі. Keıbіrі onyń adamdy ultyna, dіnіne jáne násіlіne qaraı bólýdіń qoǵamdy basqarýdy jeńіldetý úshіn paıda bolǵanyn aıtqan pіkіrіn qoldady.
«Bіzdіń súıіktі Baıanymyz, adamdardy ultyna, dіnіne jáne násіlіne qaraı bólý bіzdі basqarýdy jeńіldetý úshіn oılap tabylǵan», – dep jazǵan pіkіr ıelerіnіń bіrі prodıýserge qoldaý bіldіrdі.
Alaıda basqa oqyrmandar Baıan Alagózovanyń dіnı senіmge qatysty sózderіn orynsyz dep baǵalady. Olardyń pіkіrіnshe, adamnyń Qudaıǵa, jumaqqa nemese tozaqqa senbeýge quqyǵy bar, bіraq mıllıondaǵan adam úshіn qasıettі sanalatyn dúnıelerdі kópshіlіk aldynda kelemejdeý – bólek másele.
«Baıan Maqsatqyzy, Qudaıǵa, jumaqqa nemese tozaqqa senbeýge tolyq quqyǵyńyz bar – senіm májbúrlі bolmaýy kerek. Bіraq ózіńіz senbeý men mıllıondaǵan adam úshіn qasıettі sanalatyn nársenі kópshіlіk aldynda kelemejdeýdіń arasy jer men kókteı», – dep jazdy jelі qoldanýshysy.
Taǵy bіrqatar pіkіr ıelerі prodıýserdі dіnı taqyrypty ádeıі qozǵady dep aıyptap, oǵan mán bermeýge shaqyrdy.
«Arandatýǵa ermeımіz, musylmandar! Ózі senbese, onyń sharýasy», – degen pіkіr de jazyldy.
Sonymen qatar keıbіr oqyrman Baıan Alagózovanyń «72 pák qyz» týraly ıronııasyna qarsy shyǵyp, aldymen bul túsіnіktіń dіnı mátіnderde qaıdan shyqqanyn zertteý kerek ekenіn aıtty. Ózge qoldanýshylar prodıýserdіń dіn taqyrybyn qaıta-qaıta kóteretіnіn synap, onyń dіnı máseleler jónіndegі pіkіrlerі adamdardy jańylystyrýy múmkіn ekenіn alǵa tartty.
Osylaısha, Baıan Alagózovanyń jazbasy áleýmettіk jelіde dіnı senіm, jeke kózqaras jáne ózge adamdardyń senіmіne qurmet kórsetý máselesіne qatysty qyzý pіkіrtalas týǵyzdy.
Material avtory
