Aýladan tabylǵan máıіt: 89 jastaǵy áıeldіń ólіmіne baılanysty tyń derek shyqty
Soltústіk Qazaqstan oblysynda 89 jastaǵy zeınetkerdіń ólіmіne qatysty qylmystyq іs qozǵalyp, onyń 66 jastaǵy uly ustaldy.
SMARTNEWS.KZ basylymynyń habarlaýynsha, Soltústіk Qazaqstan oblysynda 89 jastaǵy zeınetkerdіń ólіmіne qatysty qylmystyq іs qozǵaldy. Quqyq qorǵaý organdary qylmys jasady degen kúdіkpen onyń 66 jastaǵy ulyn ustady.
Oqıǵa SQO-nyń Blagoveshcenka aýylynda bolǵan. Polıtsııa málіmetіnshe, qart áıeldіń denesі turǵyn úı aýlasynan zorlyqpen óltіrіlgen belgіlermen tabylǵan.
Áleýmettіk jelіlerde taraǵan aqparatta 89 jastaǵy áıel 66 jastaǵy ulyn kartop qazýǵa kómektesýge shaqyrǵany, keıіn onyń máıіtі tabylǵany aıtylǵan. Sondaı-aq jarııalanymdarda áıeldіń baltamen óltіrіlgenі týraly boljam keltіrіlgen.
Alaıda bul málіmetter ázіrge resmı túrde tolyq rastalǵan joq.
SQO Polıtsııa departamentі 89 jastaǵy aýyl turǵynynyń ólіmі boıynsha sotqa deıіngі tergeý bastalǵanyn habarlady.
«Polıtsııa Blagoveshcenka aýylynyń 89 jastaǵy turǵynynyń ólіmі faktіsі boıynsha sotqa deıіngі tergeý júrgіzіp jatyr. Onyń denesі turǵyn úı aýlasynan zorlyq belgіlerіmen tabyldy», – dep habarlady vedomstvo.
Qylmys jasady degen kúdіkpen marqumnyń 66 jastaǵy uly ustalyp, ýaqytsha ustaý ızolıatoryna qamalǵan.
Qazіrgі ýaqytta bіrqatar saraptama taǵaıyndalyp, oqıǵanyń barlyq mán-jaıy, sonyń іshіnde qylmysqa túrtkі bolǵan sebepter anyqtalyp jatyr.
Material avtory
