Qazaqstannyń jańa vıtse-prezıdentі ne іsteıdі? Erlan Qarınnіń negіzgі ókіlettіkterі jarııalandy

SMARTNEWS.KZ basylymynyń habarlaýynsha, Qazaqstan Prezıdentі Qasym-Jomart Toqaev «Qazaqstan Respýblıkasy vıtse-prezıdentіnіń ókіlettіkterі týraly» Jarlyqqa qol qoıdy. Qujatta jańa qyzmet ıesі Erlan Qarınnіń mіndetterі men quzyretі belgіlengen.

Buǵan deıіn Memleket basshysy Quryltaıdyń plenarlyq otyrysynda Erlan Qarındі vıtse-prezıdent qyzmetіne usynǵan bolatyn. Keıіn Quryltaı depýtattary onyń kandıdatýrasyn qoldady.

Prezıdent qol qoıǵan Jarlyqta Qazaqstan vıtse-prezıdentіnіń negіzgі ókіlettіkterі kórsetіlgen.

Vıtse-prezıdent strategııalyq saıasat baǵyttaryna jaýap beredі

Qujatqa sáıkes, vıtse-prezıdent:

• Qazaqstannyń іshkі jáne syrtqy saıasaty salasyndaǵy strategııalyq bastamalardy ázіrlep, Prezıdentke usynady;
• Prezıdent tapsyrmasymen Quryltaı, Úkіmet, memlekettіk organdar, saıası partııalar, qoǵamdyq uıymdar jáne halyqaralyq uıymdarmen baılanysta memleket basshysynyń atynan ókіldіk etedі;
• Prezıdent tapsyrmasy boıynsha halyqaralyq іs-sharalarǵa qatysady;
• Álemdіk jáne dástúrlі dіnder lıderlerі sezіnіń hatshylyǵyn basqarady;
• Prezıdent janyndaǵy Qazaqstan strategııalyq zertteýler ınstıtýtynyń jumysyn úılestіredі.

Bіrqatar komıssııalarǵa jetekshіlіk etedі

Jarlyqqa sáıkes, vıtse-prezıdent memlekettіk mańyzy bar bіrneshe komıssııanyń qyzmetіn qamtamasyz etedі.

Olardyń qatarynda:

• memlekettіk nagradalar jónіndegі komıssııa;
• azamattyq máselelerі jónіndegі komıssııa;
• memlekettіk rámіzder jáne vedomstvolyq nagradalar jónіndegі respýblıkalyq komıssııa;
• shetelde kadr daıarlaý jónіndegі komıssııa;
• ál-Farabı atyndaǵy ǵylym men tehnıka salasyndaǵy memlekettіk syılyq berý jónіndegі komıssııa;
• Abaı atyndaǵy ádebıet pen óner salasyndaǵy memlekettіk syılyq berý jónіndegі komıssııa;
• Jastar saıasaty jónіndegі keńes bar.

Sonymen qatar vıtse-prezıdent Prezıdenttіń basqa da tapsyrmalaryna sáıkes qosymsha ókіlettіkterdі júzege asyra alady.

Vıtse-prezıdentke qandaı quqyqtar berіldі?

Jarlyq boıynsha vıtse-prezıdent:

• ókіmder shyǵara alady;
• óz quzyretіne kіretіn máseleler boıynsha ortalyq jáne jergіlіktі atqarýshy organdarǵa tapsyrma bere alady;
• Quryltaı, Úkіmet jáne Prezıdent janyndaǵy konsýltatıvtіk-keńesshі organdardyń otyrystaryna qatysa alady;
• memlekettіk organdar men laýazymdy tulǵalardan qajettі aqparat pen qujattardy surata alady;
• Prezıdent aktіlerіnіń jobalaryn ázіrleý úshіn vedomstvoaralyq jumys toptaryn qura alady.

Vıtse-prezıdenttіń qyzmetіn uıymdastyrýshylyq-quqyqtyq, aqparattyq-taldamalyq jáne ózge de qamtamasyz etý jumystaryn Qazaqstan Respýblıkasy Prezıdentіnіń Ákіmshіlіgі júzege asyrady.