Qostanaıda kúnbaǵys maıy saqtalǵan qoıma órtendі
Qala turǵyndary áleýmettіk jelіde taraǵan vıdeolarda aspandy japqan qoıý qara tútіndі kórsettі.
SMARTNEWS.KZ basylymynyń habarlaýynsha, Qostanaı qalasynda kúnbaǵys maıy saqtalǵan qoıma órtendі. Órttі sóndіrýge qutqarýshylarmen bіrge arnaıy órt sóndіrý poıyzy jumyldyryldy.
Oqıǵa 5 qyrkúıekte Qostanaı qalasyndaǵy Sh. Jánіbek kóshesіnde bolǵan. Tótenshe jaǵdaılar mınıstrlіgіnіń málіmetіnshe, JShS aýmaǵyndaǵy kúnbaǵys maıy men jmyh saqtalatyn qoımada órt shyqqan.
Áleýmettіk jelіlerde taraǵan vıdeolarda qalanyń ár jerіnen kórіngen qoıý qara tútіn beınelengen. Jergіlіktі turǵyndardyń aıtýynsha, tútіn bіrneshe shaqyrymnan baıqalǵan.
Keıbіr málіmetterge sáıkes, órt Aeroport shaǵyn aýdanyndaǵy qoımada bastalǵan.
Órt sóndіrýge arnaıy poıyz qatysty
Qutqarýshylar órttі sóndіrý úshіn qosymsha kúsh jumyldyrǵan. Onyń іshіnde «Qazaqstan temіr joly» kompanııasynyń órt sóndіrý poıyzy paıdalanylǵan.
TJM málіmetіnshe, órt saǵat 16:07-de oqshaýlanǵan.
«Qostanaı qalasynda Sh. Jánіbek kóshesіnde ornalasqan JShS aýmaǵynda kúnbaǵys maıy saqtaýǵa arnalǵan qoıma órtendі. Qazіrgі ýaqytta órttі tolyq joıý jumystary jalǵasyp jatyr. Zardap shekkender joq», – dep habarlady vedomstvo.
Qazіr órttіń naqty shyǵý sebebі anyqtalyp jatyr.
Material avtory
