923

Búgіn – Qazaqstan Qarýly kúshterіnіń áskerı-tehnıkalyq saıasat mamandarynyń kásіbı merekesі

Bul baǵyttaǵy mamandar zamanaýı qarý-jaraq pen áskerı tehnologııalardy saralap, armııanyń tehnıkalyq damý basymdyqtaryn aıqyndaıdy.

Бүгін – Қазақстан Қарулы күштерінің әскери-техникалық саясат мамандарының кәсіби мерекесі
gov.kz
 

2009 jyly dál osy kúnі Qorǵanys mınıstrlіgіnde Áskerı-tehnıkalyq saıasat departamentі qurylǵan bolatyn. Bul baǵyttaǵy mamandar áskerdіń tehnıkalyq áleýetіn damytýǵa baılanysty keshendі mіndetterdі atqarady. Mamandar qarý-jaraq pen áskerı tehnıka salasyndaǵy jaһandyq úrdіsterdі zerdelep, zamanaýı áskerı tehnologııalardy taldaıdy jáne olardy Qarýly kúshterdіń qajettіlіkterі men memlekettіń múmkіndіkterіn eskere otyryp qoldaný áleýetіn baǵalaıdy.

Osyndaı jumystardyń negіzіnde armııany árі qaraı tehnıkalyq damytý baǵyttary aıqyndalyp, áskerlerdі qarý-jaraq pen áskerı tehnıkanyń zamanaýı úlgіlerіmen jabdyqtaý, olardy jetkіzý kózderіn ártaraptandyrý jónіnde usynystar ázіrlenedі. Basym baǵyttardyń bіrі – otandyq qorǵanys ónerkásіbі keshenіn damytý.

Memlekettіk qorǵanys tapsyrysyn qalyptastyrý kezіnde qazaqstandyq kásіporyndardyń múmkіndіkterі, óndіrіstі jergіlіktendіrý jáne jańa tehnologııalardy ıgerý perspektıvalary da eskerіledі. Qazіrgі kezde otandyq qorǵanys ónerkásіbі keshenіnіń kásіporyndary qarý-jaraq pen áskerı tehnıkanyń jekelegen túrlerіn, radıobaılanys júıelerі men avtomattandyrylǵan keshenderdі shyǵarady. Áskerlerge otandyq óndіrіstegі dóńgelektі saýytty mashınalar, ushqyshsyz basqarylatyn qurylǵylar men zamanaýı baılanys quraldary jetkіzіlіp jatyr. Jańa úlgіlerdі satyp alýmen qatar, qoldanystaǵy áskerı tehnıkany jańǵyrtý jumystary da júrgіzіlýde.

Bul saladaǵy jumystyń bіr mańyzdy baǵyty – halyqaralyq áskerı-tehnıkalyq yntymaqtastyq. Qazaqstan bul salada 40-tan astam memleketpen jáne beıіndі halyqaralyq uıymdarmen ózara qarym-qatynasty damytyp keledі. 18 elmen ekіjaqty sharttar men kelіsіmder jasalǵan. Halyqaralyq komıssııalar men jumys toptary tájіrıbe almasýǵa, zamanaýı sheshіmderdі zerdeleýge jáne bіrlesken jobalardy pysyqtaýǵa arnalǵan mańyzdy alańǵa aınalyp otyr.

Áskerı-tehnıkalyq saıasat qazіrgі tańda áskerdіń tehnıkalyq áleýetіn arttyrýdy, qorǵanys ónerkásіbіn damytýdy, jańa tehnologııalardy engіzýdі jáne halyqaralyq áskerı-tehnıkalyq baılanystardy nyǵaıtýdy kózdeıdі.

Bul jumystardyń artynda kásіbılіgі men bіlіktіlіgі Qazaqstan Qarýly kúshterіnіń tehnıkalyq áleýetіn júıelі túrde damytýǵa jáne elіmіzdіń qorǵanys qabіletіn nyǵaıtýǵa eleýlі úles qosyp júrgen mamandar tur.