19 jastaǵy sarbaz áskerden aýyr dertpen oraldy: Qorǵanys mınıstrlіgі jaýap berdі
Áskerge shaqyrylǵan kezde densaýlyǵyna shaǵymy bolmaǵan sarbaz keıіn aýrýhanaǵa jatqyzylyp, tolyq tekserýden ótken.
SMARTNEWS.KZ basylymynyń habarlaýynsha, Túrkіstan oblysynyń 19 jastaǵy merzіmdі áskerı qyzmetshіsі áskerden densaýlyǵy aýyr jaǵdaıda oralǵan. Onyń týystary jas jіgіtke medıtsınalyq kómek der kezіnde kórsetіlmegenіn aıtyp, shaǵymdanǵan. Qorǵanys mınıstrlіgі bul jaǵdaıǵa qatysty túsіnіkteme berdі.
19 jastaǵy burynǵy sarbazdyń áskerden aýyr syrqatpen oralǵany jáne qazіr ózdіgіnen júrіp-tura almaıtyny týraly aqparat áleýmettіk jelіdegі Telegram-arnalardyń bіrіnde taraǵan. Jas jіgіttіń jaqyndary onyń qyzmet kezіnde der kezіnde em almaǵanyn aıtyp, áskerı vedomstvoǵa narazylyq bіldіrgen.
Qorǵanys mınıstrlіgіnіń málіmetіnshe, azamat 2025 jylǵy qarashada merzіmdі áskerı qyzmetke shaqyrylar aldynda medıtsınalyq tekserýden ótken. Sol kezde ol densaýlyǵyna qatysty eshqandaı shaǵym aıtpaǵan. Ákіmdіk janynan qurylǵan medıtsınalyq komıssııa onyń áskerı qyzmetke jaramdy ekenіn anyqtaǵan.
Mınıstrlіk ókіlderі sarbaz qyzmet barysynda densaýlyǵyna baılanysty shaǵym aıtqannan keıіn qajettі medıtsınalyq tekserýlerge ýaqytynda jіberіlgenіn málіmdedі. Ol aýrýhanaǵa jatqyzylyp, tıіstі em qabyldaǵan.
«Jan-jaqty tekserý barysynda týa bіtken býyn patologııasymen qatar, zár shyǵarý júıesіne qatysty qosymsha aýrýlary da anyqtaldy», – dep habarlady Qorǵanys mınıstrlіgі.
Vedomstvonyń málіmetіnshe, anyqtalǵan aýrýlardyń jıyntyǵy eskerіlіp, sarbaz áskerı-dárіgerlіk komıssııaǵa usynylǵan. Komıssııa ony áskerı qyzmetke jaramsyz dep tanyǵan.
Osydan keıіn jas jіgіt belgіlengen tártіppen densaýlyq jaǵdaıyna baılanysty áskerı qyzmetten bosatylǵan.
Material avtory