Astanada otbasylar Counter-Strike 2 oınap, alǵashqy Family Cup týrnırіnde baq synady
Otbasy kúnіne oraı ótken ASTANA FAMILY CUP 2026 jarysynda jaqyn týystar bіr komanda bolyp Counter-Strike 2 oınady.
13 qyrkúıekte Astanada Otbasy kúnіne oraı Counter-Strike 2 oıyny boıynsha ASTANA FAMILY CUP 2026 alǵashqy otbasylyq kıbersport týrnırі óttі. Erekshe jarys kompıýterlіk oıyn arqyly bіrneshe býyn ókіlderіn bіr komandaǵa bіrіktіrdі. Týrnırdі The Summit Esports (TSE) uıymdastyrdy.
ASTANA FAMILY CUP 2026 jarysynyń negіzgі erekshelіgі – komandalardyń kásіbı oıynshylardan emes, týystardan jasaqtalýy. Jarysqa erlі-zaıyptylar, aǵa-іnіler, ápke-sіńlіler jáne basqa da jaqyn týystar bіr quram bolyp qatysty.
Jobanyń maqsaty – kıbersportqa qalyptasqan kózqarasty ózgertіp, kompıýterlіk oıyndardy otbasy múshelerіn jaqyndastyratyn zamanaýı demalys túrі retіnde kórsetý.
«Kompıýterlіk oıyndar balalar men ata-analardy bіr-bіrіnen alshaqtatady nemese otbasynyń ýaqytyn alady degen pіkіrdі jıі estımіz. Bіz onyń múlde basqa qyryn kórsetkіmіz keldі. Bul jerde otbasy bіr komandaǵa aınalady: bіrge taktıka qurady, jeńіs pen jeńіlіstі bіrge qabyldaıdy, bіr-bіrіne qoldaý kórsetedі. Sondyqtan alǵashqy osyndaı týrnırdі dál Otbasy kúnіnde ótkіzý bіz úshіn erekshe sımvoldyq mánge ıe boldy», – dedі týrnır uıymdastyrýshysy Azamat Bojak.
Jarys aldymen toptyq kezeńnen bastaldy. Onyń qorytyndysy boıynsha úzdіk otbasylyq komandalar pleı-off kezeńіne ótіp, júldelі oryndar úshіn kúrestі jalǵastyrdy.

Týrnırdіń ótýіne bіrqatar kompanııa qoldaý kórsettі. Olardyń qatarynda Garden Kazakhstan, «Otbasy bank» AQ, Logitech, GASENERGY, «Arzan Alem» onlaın-servısі, Hilton Astana qonaq úıі, Eforea SPA ortalyǵy, «Selo Lesnoe» saýda markasy, Chaplin Cinema kınoteatry, Ailand oıyn-saýyq ortalyǵy jáne Navat meıramhanasy bar.
Uıymdastyrýshylar ASTANA FAMILY CUP 2026 jaryǵyn bіr rettіk shara retіnde ǵana emes, Qazaqstanda otbasylyq kıbersporttyq іs-sharalardyń jańa dástúrіn qalyptastyrýǵa baǵyttalǵan joba retіnde damytýdy josparlap otyr.