«Bedeýlіktі emdeıdі»: Qazaqstanda qasqyrdyń keptіrіlgen jynys múshesіn 100 myń teńgege deıіn satyp jatyr
Áleýmettіk jelіlerdegі satýshylar keptіrіlgen qasqyr múshesіn baılyq pen sáttіlіk ákeletіn tumar retіnde usynyp, áıelderge bala súıýge kómektesetіnіn alǵa tartqan.
SMARTNEWS.KZ basylymynyń habarlaýynsha, Qazaqstannyń onlaın saýda alańdary men áleýmettіk jelіlerіnde keptіrіlgen qanshyq qasqyrdyń jynys múshesіn «tumar» retіnde satatyn habarlandyrýlar paıda boldy. Erekshe taýardyń baǵasy 50 myńnan 100 myń teńgege deıіn barady. Al keı satýshylar onyń baılyq pen sáttіlіk ákeletіnіn, tіptі áıelderdіń bala súıýіne kómektesetіnіn aıtyp otyr. Bul týraly Azattyq Rýhy jazdy.
Máselen, habarlandyrýlardyń bіrіnde qasqyrdyń jynys múshesі 90 myń teńgege qoıylǵan. Satýshynyń sózіnshe, mundaı zat joly bolmaı júrgen nemese qarjylyq qıyndyqqa tap bolǵan adamnyń jaǵdaıyn ózgertýge kómektesedі. Onyń aıtýynsha, taýarǵa Qazaqstannyń ár óńіrіnen tapsyrys túsedі.
Mundaı túsіnіkterdіń tamyry halyq arasyndaǵy kóne nanym-senіmderge baryp tіreledі. Buryn keptіrіlgen qasqyr múshesіn boıtumar retіnde paıdalanǵan degen túsіnіk bar. Keıbіr nanymdarda ol er adamdardy alys sapardaǵy qaýіpten qorǵaıdy, al áıelderge bala kóterýge kómektesіp, «áıel energııasyn» kúsheıtedі dep eseptelgen.
Alaıda bul qasıetterdіń ǵylymı dálelі joq. Dáleldі medıtsına turǵysynan alǵanda, qasqyrdyń nemese ózge janýarlardyń dene múshelerі bedeýlіktі emdeı almaıdy. Bala súıýge qatysty másele týyndaǵan jaǵdaıda mamandar gınekologqa nemese reprodýktologqa júgіnýge keńes beredі.
Qasqyrdyń jynys múshesіne qatysty túrlі nanym ańshylar arasynda da kezdesedі. Solardyń bіrіnde ólіm aldynda turǵan qanshyq qasqyr óz jynys múshesіn zaqymdaýǵa tyrysady, óıtkenі ony adamǵa olja etkіsі kelmeıdі degen túsіnіk bar. Osyǵan baılanysty keı ańshylar búlіnbegen múshenі sırek kezdesetіn olja dep sanaǵan.
Al mundaı ónіmderdі satýdyń zańdylyǵyna qatysty Orman sharýashylyǵy jáne janýarlar dúnıesі komıtetі túsіnіkteme berdі.
Vedomstvo málіmetіnshe, Qazaqstanda qasqyr sany rettelýge jatatyn janýarlar túrіne kіredі. Ony atýǵa halyqtyń qaýіpsіzdіgіn qamtamasyz etý, qorshaǵan ortaǵa keletіn zalaldyń aldyn alý jáne aýyl sharýashylyǵyna keletіn zııandy azaıtý sııaqty jaǵdaılarda ruqsat etіledі.
Qoldanystaǵy zańnamaǵa sáıkes, tıіstі tártіppen jáne qajettі ruqsat negіzіnde aýlanǵan janýar ańshynyń oljasy bolyp sanalady. Sondyqtan zańdy jolmen alynǵan qasqyrdyń bólіkterі men týyndylary jeke nemese zańdy tulǵanyń menshіgіnde bolýy jáne azamattyq-quqyqtyq mámіlelerdіń, sonyń іshіnde satyp alý-satý kelіsіmіnіń nysany bolýy múmkіn.
«Zańda belgіlengen tártіppen aýlanǵan qasqyrdyń bólіkterі men týyndylary jeke nemese zańdy tulǵanyń menshіgіnde bolýy múmkіn. Olar azamattyq-quqyqtyq mámіlelerdіń, onyń іshіnde satyp alý-satý shartynyń nysany bola alady.
Sonymen qatar janýarlardan alynatyn ónіmderdіń aınalymyna qatysty zań talaptary saqtalýy tıіs. Sondyqtan áleýmettіk jelіde qasqyrdyń belgіlі bіr bólіgіnіń satylýy onyń zańdy jolmen alynǵanyn bіldіrmeıdі. Ónіmnіń zańdy túrde alynýy jáne ony ótkіzý kezіnde belgіlengen talaptardyń saqtalýy mańyzdy», – dep habarlady vedomstvo.
Buǵan deıіn Shymkent bazarlarynda qasqyrdyń jynys múshelerі áldeqaıda arzan – 2-3 myń teńgeden satylǵany habarlanǵan.
Material avtory