Shymkentte er adam áıelіn balalarynyń kózіnshe urdy degen kúdіkke іlіndі
Áıelіnіń atyna 2 mln teńge nesıe rásіmdep, áıelіn urdy degen er adamǵa qatysty qylmystyq іs qozǵaldy.
SMARTNEWS.KZ basylymynyń habarlaýynsha, Shymkentte er adam áıelіne kúsh kórsetken degen kúdіkke іlіnіp, polıtsııaǵa jetkіzіldі. Jábіrlenýshіnіń týysy onyń áıelіn balalarynyń kózіnshe urǵanyn jáne keıіn de qorqytyp júrgenіn málіmdegen. Bul týraly «Krımınalnyı Kazahstan» Telegram-arnasy jazdy.
Jábіrlenýshіnіń týysynyń aıtýynsha, er adam áıelіnіń atyna 2 mln teńge kólemіnde nesıe rásіmdegen. Sondaı-aq ol áıelіne qaýіp tóndіrіp, kúsh qoldanatynyn aıtyp qorqytqan.
Osydan keıіn jábіrlenýshіnіń jaqyndary Túrkіstan oblysynyń polıtsııa departamentіnen jaǵdaıdy baqylaýǵa alyp, oqıǵanyń barlyq mán-jaıyn anyqtaýdy suraǵan.
Polıtsııa 25 jastaǵy er adamdy ustaǵanyn habarlady. Ol ýaqytsha ustaý ızolıatoryna qamaldy.
Vedomstvonyń málіmetіnshe, oqıǵa 16 qyrkúıekke qaraǵan túnі Shymkent qalasynyń aýmaǵynda bolǵan. Jábіrlenýshіnіń aryzy negіzіnde qylmystyq іs qozǵaldy.
Qazіr tergeý jalǵasyp jatyr. Istіń barysy Shymkent qalasy polıtsııa departamentі basshylyǵynyń baqylaýynda.
Material avtory