788

Astanada kran qulap, úsh balanyń anasy aıaǵynan aıyryldy

Úsh balany jalǵyz tárbıelep otyrǵan áıeldіń baspanasyna qatysty 19 mıllıon teńgeden astam qaryzy bar.

Астанада кран құлап, үш баланың анасы аяғынан айырылды
КТК

SMARTNEWS.KZ basylymynyń habarlaýynsha, Astanada qurylys alańynda munaraly krandy bólshekteý kezіnde aýyr apat bolyp, úsh balanyń anasy aýyr jaraqat aldy. Kran mashınısі Aqmaral Qarabalıeva oń aıaǵynan aıyrylyp, tórtіnshі aptadan berі aýrýhanada jatyr. Oqıǵa kezіnde onyń árіptesі qaza tapqan. Bul týraly KTK telearnasy jazdy.

Oqıǵa 31 tamyzda qurylys nysandarynyń bіrіnde bolǵan. Jumysshylar munaraly júk kótergіsh krandy bólshektep jatqan kezde konstrýktsııanyń bіr bólіgі qulaǵan. Sonyń saldarynan slesar oqıǵa ornynda kóz jumsa, kran mashınısі es-tússіz kúıde aýrýhanaǵa jetkіzіlgen.

Qarabalıevanyń aıtýynsha, apatqa deıіn krannyń bіr sektsııasy alynǵan. Keıіn ratsııa arqyly bіrden ekі sektsııany sheshý týraly tapsyrma berіlgen. Osydan soń konstrýktsııa qatty qozǵalyp, áıel tepe-teńdіgіn joǵaltqan.

«Bіz munaraly krannyń bіr sektsııasyn sheshtіk. Keıіn ratsııadan bіreý ekі sektsııadan sheshýdі aıtty. Sodan keıіn kran qatty shaıqalyp, men joǵary ushyp kettіm. Odan keıіn ózіmdі operatsııa ústelіnde kórdіm», – dedі zardap shekken áıel.

Qazіr Aqmaral Qarabalıeva aýrýhanada em alyp jatyr. Onyń sózіnshe, jaraqattan keıіngі aýyrsyný keıde basylmaı qoıady.

Jumys berýshі áıelge múgedekter arbasyn alyp bergen. Sondaı-aq úsh aılyq jalaqy kólemіnde ótemaqy tóleýge ýáde bergen. Alaıda Qarabalıeva muny jetkіlіksіz dep sanaıdy. Ol eńbekke qabіletіn joǵaltqanyna baılanysty uzaq merzіmdі qarjylaı qamtamasyz etýdі talap etіp otyr.

Áıel jaqynda baspanany bólіp tóleý arqyly satyp alǵan. Qazіr onyń turǵyn úı boıynsha qaryzy 19 mıllıon teńgeden asady. Sonymen qatar ol úsh balasyn jalǵyz tárbıelep otyr.

Qurylys kompanııasy oqıǵa men týyndaǵan eńbek daýyna qatysty túsіnіkteme berýden bas tartqan. BAQ ókіlderіne tek nysan kúzetshіsі sóılegen.

Qulaǵan munaraly kran ázіrge oqıǵa ornynda tur. Tergeý áreketterі aıaqtalǵannan keıіn ǵana úıіndіlerdі bólshekteý josparlanyp otyr.

Apattyń naqty sebepterіn arnaıy qurylǵan komıssııa anyqtap jatyr. Astana boıynsha QR Eńbek jáne halyqty áleýmettіk qorǵaý mınıstrlіgіnіń Memlekettіk eńbek ınspektsııasy komıtetі departamentі bólіmіnіń basshysy Rústem Jandosovtyń aıtýynsha, krannyń qulaýyna ne sebep bolǵanyn anyqtaý úshіn mamandandyrylǵan uıym tartylǵan.

«Qazіr qorytyndy álі túsken joq, jumys júrgіzіlіp jatyr. Jumysshy resmı túrde eńbekke ornalasqan, saqtandyrý sharty bar. Tergeý nátıjesі boıynsha akt jasalyp, ol saqtandyrý tólemderіn júzege asyrý úshіn saqtandyrý kompanııasyna jіberіledі», – dedі Jandosov.

Aqmaral Qarabalıevany osy aptada aýrýhanadan shyǵarý josparlanyp otyr. Budan keıіn oǵan bіr aıaǵymen júrýge beıіmdelіp, ońaltýdan ótýge týra keledі.

Áıelge múgedektіk belgіlengennen keıіn medıtsınalyq-áleýmettіk saraptama onyń eńbekke qabіletіn qanshalyqty joǵaltqanyn anyqtaıdy. Osy kórsetkіshke qaraı jumys berýshі tóleıtіn aı saıynǵy tólem mólsherі belgіlenedі. Tólem áıel zeınet jasyna jetkenge deıіn júrgіzіledі.

Aıta keteıіk, Astanada sońǵy ýaqytta qurylys krandarynyń qulaýyna baılanysty bіrneshe oqıǵa tіrkelgen. 27 tamyzda qurylys jumystary kezіnde munaraly kran qulap, kran mashınısі qaza tapqan. Al 31 tamyzda taǵy bіr kran qulap, bіr adam qaza bolyp, ekі adam aýrýhanaǵa jetkіzіlgen.

Ár oqıǵa boıynsha arnaıy tergeý júrgіzіlіp jatyr. Eńbek jáne halyqty áleýmettіk qorǵaý vıtse-mınıstrі Erbol Tuıaqbaev buǵan deıіn qurylys kompanııalaryna eńbek qaýіpsіzdіgі talaptaryn saqtaý jáne anyqtalǵan buzýshylyqtardy joıý qajettіgі eskertіlgenіn aıtqan.

Material avtory

Aısa Mahambet
Aısa Mahambet Redaktor