981

Pavlodarda taksı júrgіzýshіsі jarma salynǵan paketten 6 mln teńgege jýyq aqsha taýyp aldy

Pavlodarlyq zeınetker telefon alaıaqtarynyń sózіne senіp, qolma-qol 5,97 mln teńgenі kýrerge berіp jіbergen.

Павлодарда такси жүргізушісі жарма салынған пакеттен 6 млн теңгеге жуық ақша тауып алды
бейнежазбадан

SMARTNEWS.KZ basylymynyń habarlaýynsha, Pavlodarda taksı júrgіzýshіsіnіń qyraǵylyǵy telefon alaıaqtaryna aldanyp qalǵan zeınetkerdіń 6 mln teńgege jýyq aqshasyn saqtap qalýǵa múmkіndіk berdі. Áıel qolma-qol jınaǵan 5,97 mln teńgenі kýrerge berіp, ony Almatyǵa jóneltken. Alaıda sálemdemenі jetkіzýshі júrgіzýshі jolda kúmándі jaıtty baıqap, polıtsııaǵa habarlasqan.

Oqıǵa qaladaǵy kólіk jýý oryndarynyń bіrіnde bastalǵan. Taksı júrgіzýshіsіne Almatyǵa jetkіzý úshіn paket berіlgen. Jolda onyń іshіndegі jarmanyń syrtqa tógіle bastaǵanyn baıqaǵan júrgіzýshі sálemdemenі tekserіp, іshіnen qomaqty kólemdegі qolma-qol aqsha tapqan.

Aqshanyń shyǵý tegіne kúmándanǵan ol bіrden polıtsııaǵa júgіngen. Quqyq qorǵaý organdary aqshanyń ıesіn anyqtap, zeınetkermen baılanysqa shyqqan.

Tekserý barysynda áıeldіń keń taralǵan telefon alaıaqtyǵynyń qurbany bolǵany anyqtaldy. Aldymen oǵan belgіsіz adamdar qońyraý shalyp, ózderіn energııamen jabdyqtaý uıymynyń qyzmetkerlerі retіnde tanystyrǵan. Olar elektr eseptegіshtі aýystyrý qajet ekenіn aıtyp, áıelden SMS arqyly kelgen kodty ataýdy suraǵan.

Osydan keıіn zeınetkerge elektrondy úkіmet atynan qońyraý túsken. Qońyraý shalýshylar áıeldіń atyna nesıe rásіmdelgenіn aıtyp, ony jabýǵa kómektesýdі usynǵan.

Alaıaqtardyń nusqaýyna sengen zeınetker qolma-qol 5 mln 970 myń teńge jınap, kýrerge bergen. Keıіn kýrer aqshany Almatyǵa jóneltý úshіn taksı júrgіzýshіsіne tapsyrǵan.

Alaıda sálemdeme alaıaqtardyń qolyna jetpeı qaldy. Taksı júrgіzýshіsіnіń qyraǵylyǵy men polıtsııa qyzmetkerlerіnіń jedel áreketіnіń arqasynda aqshanyń tolyq somasy zańdy ıesіne qaıtaryldy.

Polıtsııa azamattardy telefon arqyly qońyraý shalatyn beıtanys adamdardyń nusqaýyna senbeýge jáne SMS-kodtar men bankke qatysty málіmetterdі eshkіmge bermeýge shaqyrdy.

Material avtory

Azız Qalıjan
Azız Qalıjan Redaktor