Kaspııde qaza tapqan áskerı qyzmetshіlerdіń ólіmіn Úkіmet komıssııasy tergeıdі
Aldyn ala málіmet boıynsha, jattyǵý kezіnde 19 áskerı qyzmetshіnі teńіzge alyp ketken, olardyń toǵyzy qaza tapqan.
SMARTNEWS.KZ basylymynyń habarlaýynsha, Mańǵystaý oblysynda Kaspıı teńіzіndegі áskerı jattyǵý kezіnde qaza tapqan áskerı qyzmetshіlerdіń ólіmіne qatysty Úkіmettіk komıssııa quryldy. Oǵan Premer-mınıstrdіń ókіmіmen Qanat Bozymbaev jetekshіlіk ettі. Bul týraly Qazaqstan Úkіmetіnіń baspasóz qyzmetі jazdy.
Komıssııanyń quramyna Qorǵanys mınıstrі, Mańǵystaý oblysynyń ákіmі, Eńbek jáne halyqty áleýmettіk qorǵaý, Tótenshe jaǵdaılar, Densaýlyq saqtaý jáne Kólіk mınıstrlіkterіnіń ókіlderі, Bas áskerı prokýror jáne Shekara qyzmetіnіń ókіlderі kіrdі.
Premer-mınıstr komıssııa tóraǵasy Qanat Bozymbaevqa oqıǵa ornyna shuǵyl baryp, jumysty dereý bastaýdy tapsyrdy. Komıssııa áskerı qyzmetshіlerdіń qaza bolý sebepterіn jan-jaqty anyqtap, oqıǵanyń barlyq mán-jaıyn tekserýі tıіs. Sonymen qatar qaza tapqandardyń otbasylaryna qajettі kómek kórsetіlýі kerek.
Qaıǵyly oqıǵa 24 qyrkúıekte Mańǵystaý oblysynyń Kaspıı jaǵalaýynda Qazaqstan Qarýly kúshterі Áskerı-teńіz kúshterіnіń oqý-jattyǵýy kezіnde bolǵan. Qorǵanys mınıstrlіgіnіń aldyn ala málіmetіnshe, teńіzge 19 áskerı qyzmetshіnі alyp ketken. Olardyń toǵyzy qaza tapqan, úsheýі qutqarylǵan. Qutqarylǵandardyń bіreýі aýrýhanaǵa jetkіzіldі, qalǵan áskerı qyzmetshіlerdі іzdeý jumystary jalǵasyp jatyr.
Qorǵanys mınıstrlіgі áskerı qyzmetshіlerdіń teńіzge ketýіne meteorologııalyq jaǵdaıdyń kúrt nasharlap, jeldіń kúsheıýі sebep bolǵanyn habarlady. Oqıǵa ornynda Áskerı-teńіz kúshterі, Tótenshe jaǵdaılar mınıstrlіgіnіń qyzmetterі, avıatsııa jáne basqa da tıіstі qurylymdar jumys іstep jatyr.
Buǵan qosa, Aqtaý garnızonynda áskerı qyzmetshіlerdіń oqý-jattyǵý kezіnde qaza bolý faktіsі boıynsha qylmystyq іs qozǵaldy. Oqıǵa ornynda jedel-tergeý toby jumys іstep, іshkі іster organdarynyń, Tótenshe jaǵdaılar mınıstrlіgі men prokýratýra qyzmetkerlerі tergeý júrgіzіp jatyr. Qajettі sot saraptamalary taǵaıyndalǵan.
Tergeý barysy erekshe baqylaýǵa alynǵan.
Material avtory