Kaspııde joǵalǵan ekі áskerı qyzmetshіnі іzdeýge júzdegen qutqarýshy jumyldyryldy
Mańǵystaý jaǵalaýyndaǵy operatsııaǵa 252 adam, 34 arnaıy tehnıka, 37 áskerı súńgýіr, 14 keme men kater jáne 20-dan astam áýe kemesі qatysyp jatyr.
SMARTNEWS.KZ basylymynyń habarlaýynsha, Mańǵystaý oblysyndaǵy Kaspıı teńіzіnde joǵalǵan ekі áskerı qyzmetshіnі іzdeý operatsııasy táýlіk boıy jalǵasyp jatyr. Aýqymdy jumystarǵa júzdegen qutqarýshy, áskerı súńgýіrler men avıatsııa tartylǵan. Bul týraly Qazaqstannyń Qorǵanys mınıstrlіgі jazdy.
Úkіmettіk komıssııanyń tapsyrmasymen Kaspıı akvatorııasynda іzdeý-qutqarý jumystary úzdіksіz júrgіzіlіp jatyr. Komıssııaǵa Premer-mınıstrdіń orynbasary Qanat Bozymbaev jetekshіlіk etedі.
Oqıǵa ornyndaǵy іzdeý jumystaryna tіkeleı Qorǵanys mınıstrі, avıatsııa general-leıtenanty Dáýren Qosanov basshylyq jasap otyr. Operatıvtіk shtabtyń quramyna Qorǵanys mınıstrlіgі, Ulttyq qaýіpsіzdіk komıtetіnіń Shekara qyzmetі, Tótenshe jaǵdaılar mınıstrlіgі, Ishkі іster mınıstrlіgі jáne Mańǵystaý oblysynyń jergіlіktі atqarýshy organdarynyń ókіlderі kіrgen.
Qorǵanys mınıstrlіgіnіń málіmetіnshe, operatsııaǵa 252 adam, 34 arnaıy jerústі tehnıkasy, 37 áskerı súńgýіr, 14 keme men kater jumyldyrylǵan. Sonymen qatar іzdeý jumystaryna 20-dan astam áýe kemesі, onyń іshіnde tórt tіkushaq qatysyp jatyr.
Mamandar teńіz aýmaǵyn, jaǵalaý beldeýіn jáne oǵan іrgeles aýmaqtardy áýeden jáne sýda turaqty baqylap, tekserіp jatyr.
Oqıǵa boıynsha qylmystyq іs qozǵaldy. Arnaıy komıssııa áskerı qyzmetshіlerdіń teńіzge ketýіne ákelgen barlyq sebep pen jaǵdaıdy anyqtaý úshіn tergeý amaldaryn júrgіzіp jatyr.
Qaza tapqan áskerı qyzmetshіlerdіń otbasylaryna jáne zardap shekken áskerı qyzmetshіlerge qajettі materıaldyq árі psıhologııalyq kómek kórsetіledі.
Eske salaıyq, áskerı-jaýyngerlіk mіndettі oryndaý kezіnde aýa raıynyń kúrt nasharlap, jeldіń ekpіnі kúsheıýіnen 17 áskerı qyzmetshіnі ashyq teńіzge alyp ketken. Úsheýі qutqaryldy. 12 áskerı qyzmetshі qaza tapty, al qalǵan ekі áskerı qyzmetshіnі іzdeý álі jalǵasyp jatyr.
Material avtory