Bozjyrada dáret syndyrǵan kanadalyq bloger Qazaqstannan shyǵyp ketken
Quqyq qorǵaý organdary blogerdіń jeke basyn anyqtaǵanymen, ol vıdeo jarııalanǵanǵa deıіn Qazaqstannan shyǵyp ketken.
SMARTNEWS.KZ basylymynyń habarlaýynsha, Mańǵystaýdaǵy Bozjyra shatqalynda dáret syndyrǵan sátіn vıdeoǵa túsіrіp, áleýmettіk jelіge jarııalaǵan kanadalyq trevel-blogerdіń jeke basy anyqtaldy. Alaıda rolık jarııalanǵan kezde ol Qazaqstan aýmaǵynan shyǵyp ketken. Bul týraly Mańǵystaý oblysynyń polıtsııa departamentі jazdy.
Mańǵystaý oblysynyń polıtsııa departamentі áleýmettіk jelіlerdі monıtorıngteý barysynda memlekettіk tabıǵı qoryq aýmaǵynda túsіrіlgen vıdeony anyqtaǵan. Kadrlarda sheteldіk azamatshanyń qoǵamdyq tártіptі buzǵan áreketі kórsetіlgen.
«Áleýmettіk jelіlerden memlekettіk tabıǵı qoryq aýmaǵynda qyzdyń usaq buzaqylyq jasaǵany túsіrіlgen beınejazba anyqtaldy», – dep habarlady polıtsııa.
Quqyq qorǵaý organdary sheteldіk azamatshanyń kіm ekenіn anyqtaǵan. Polıtsııa málіmetіnshe, vıdeomaterıal Qazaqstannan ketkennen keıіn onyń óz tarapynan jarııalanǵan.
Osy derek boıynsha quqyq buzýshylyqqa qatysty materıaldar árі qaraı tıіstі dıplomatııalyq ókіldіkke joldaý úshіn Qazaqstannyń Syrtqy іster mınıstrlіgіne jіberіlgen.
Áńgіme kanadalyq vıdeograf árі saıahat blogerі Olessia Pliousnina týraly bolyp otyr. Ol Mańǵystaýǵa sapary kezіnde Bozjyrada dáret syndyrǵan sátіn vıdeoǵa túsіrіp, rolıktі áleýmettіk jelіdegі paraqshasynda jarııalaǵan. Jazbada avtor áreketіn «100/10 pee spot» degen jazýmen súıemeldegen.
Beınejazba qazaqstandyqtardyń narazylyǵyn týǵyzdy. Áleýmettіk jelі qoldanýshylary blogerdіń áreketіn synap qana qoımaı, óńіrdіń shalǵaı týrıstіk baǵyttarynda qarapaıym sanıtarlyq jaǵdaıdyń jetkіlіksіzdіgі máselesіne de nazar aýdardy.
Blogerdіń paraqshasyna ondaǵan myń adam jazylǵan. Ol saıahat taqyrybyndaǵy kontent túsіrіp, Beautiful Destinations Academy jobasyna qatysqan jáne týrızm týraly derektі jobalarmen jumys іstegen.
Qazіr vıdeo jarııalanǵan áleýmettіk jelіdegі akkaýnt óshіrіlgen jáne qoljetіmsіz.
Mańǵystaý oblysynyń polıtsııa departamentі Qazaqstan aýmaǵynda zań talaptaryn jáne qoǵamdyq tártіptі saqtaýdyń mańyzyn eske saldy. Vedomstvo qoǵamdyq tártіptі buzǵany úshіn zańnamada jaýapkershіlіk qarastyrylǵanyn atap óttі.
Material avtory