Almaty taýlaryna alǵashqy qar tústі
Shymbulaqtyń Talǵar asýyndaǵy shamamen 3200 metr bıіktіktegі aýmaǵynda alǵashqy qar jaýdy.
SMARTNEWS.KZ basylymynyń habarlaýynsha, Almaty mańyndaǵy taýlarda alǵashqy qar jaýdy. Aq ulpa Shymbulaq taý-shańǵy kýrortynyń Talǵar asýyndaǵy bıіk bólіgіn basqan.
Áleýmettіk jelіde Shymbulaqtaǵy alǵashqy qardyń vıdeosy tarady. Kadrlardan taý bókterіn aq ulpanyń japqany kórіnedі.
Shymbulaqtyń onlaın-translıatsııasyna qaraǵanda, qar kýrorttyń aspaly jolynyń joǵarǵy stantsııasy ornalasqan aýmaqta jaýǵan. Bul núkte teńіz deńgeıіnen shamamen 3200 metr bıіktіkte ornalasqan.
Qazgıdromettіń boljamynsha, 26-28 qyrkúıek aralyǵynda Qazaqstannyń basym bólіgіn soltústіk-batystan keletіn antıtsıklon yqpaly anyqtaıdy. Osy kezeńde Almaty oblysynyń taýly aýdandarynda túngі ýaqytta jańbyr men qar túrіndegі jaýyn-shashyn kútіledі.
Aıta keteıіk, Almaty oblysynyń taýlarynda qar tamyz aıynyń sońynda da jaýǵan. Sol kezde Raıymbek aýdanyndaǵy Aqkól jaılaýyndaǵy qar basqan taý betkeılerіnіń vıdeosy áleýmettіk jelіde taraǵan bolatyn.
Material avtory