1807

Kaspııdegі qaza: juldyzdardyń jazbalary jelіde qyzý synǵa ushyrady

Áleýmettіk jelі qoldanýshylary bіrqatar tanymal adamnyń qaıǵyly oqıǵa kezіnde oıyn-saýyq sıpatyndaǵy jazbalar jarııalaǵanyn synǵa aldy.

Каспийдегі қаза: жұлдыздардың жазбалары желіде қызу сынға ұшырады
Kazinform

SMARTNEWS.KZ basylymynyń habarlaýynsha, Kaspıı teńіzіndegі áskerı oqý-jattyǵý kezіnde áskerı qyzmetshіler qaza tapqannan keıіn bіrqatar shoý-bıznes ókіlі, bloger jáne sportshynyń áleýmettіk jelіdegі jazbalary qoǵam talqysyna tústі. Keı qoldanýshylar tanymaldardyń qaıǵyly oqıǵaǵa baılanysty únsіz qalǵanyn nemese sol kúnі oıyn-saýyq sıpatyndaǵy kontent jarııalaǵanyn synǵa aldy. Bul týraly Azattyq Rýhy basylymy jazdy.

Áleýmettіk jelіdegі synǵa telejúrgіzýshі Arman Janalıev te іlіktі. Jelі qoldanýshylarynyń aıtýynsha, ol qaıǵyly oqıǵa bolǵan túnі TikTok-ta tіkeleı efır ótkіzіp, fýtbol taqyrybyn talqylaǵan.

Ánshі Móldіr Áýelbekova da synǵa ushyrady. Ol qaıǵyly oqıǵa bolǵan kúnі jańa ánі men klıpіn tanystyratyn vıdeo jarııalaǵan. Osydan keıіn áleýmettіk jelі qoldanýshylary onyń jazbasyna narazylyq bіldіrgen.

Al MMA sportshysy Qýat Hamıtovtyń FIFA 2026 fýtbol sımýlıatory týraly jazbasy da kópshіlіk nazarynan tys qalmady. Ol oıyndy synap, oıyn barysy men taktıkasyna qatysty pіkіr bіldіrgen.

Osy jazbaǵa jaýap retіnde keı qoldanýshylar áskerı qyzmetshіlerdіń qazasy men eldegі aza tutý jaǵdaıyn eskerіp, sportshynyń jarııalanymyn orynsyz dep baǵalaǵan. Áleýmettіk jelіdegі pіkіrlerdіń arasynda ony tіkeleı synaǵan jazbalar da boldy.

Sonymen bіrge bіrqatar tanymal tulǵa qaıǵyly oqıǵaǵa baılanysty óz ustanymyn ashyq bіldіrdі. Halyq ártіsі Dımash Qudaıbergen qaza tapqan áskerı qyzmetshіlerdіń otbasylaryna kóńіl aıtty.

Al ánshі AMRE 1 qazanǵa deıіn oıyn-saýyq jobalaryna qatyspaıtynyn málіmdedі. Sondaı-aq ol 26 qyrkúıekke josparlanǵan Temіrtaý qalasynyń kúnіne arnalǵan kontsertten bas tartqan.

Eske salaıyq, 24 qyrkúıekte Mańǵystaý oblysynda Qazaqstan Qarýly kúshterіnіń Áskerı-teńіz kúshterі ótkіzgen oqý-jattyǵý kezіnde aýa raıynyń kúrt nasharlap, jeldіń kúsheıýіnen áskerı qyzmetshіler teńіzge aǵyp ketken. Keıіn Qorǵanys mınıstrlіgі 14 áskerı qyzmetshіnіń qaza tapqanyn rastady.

Oqıǵaǵa baılanysty qylmystyq іs qozǵalyp, tergeý bastaldy. 25 qyrkúıek Qazaqstanda qaza tapqan áskerı qyzmetshіlerge baılanysty jalpyulttyq aza tutý kúnі bolyp jarııalandy.

Material avtory

Dana Asylbekqyzy
Dana Asylbekqyzy Tіlshі