2296

Aqtaýdaǵy máıіthana mańynda jol jabyldy: qaza tapqan áskerı qyzmetshіlerdіń týystary jınaldy

Búgіn іzdeý jumystary kezіnde tabylǵan ekі áskerı qyzmetshіnіń denesі Aqtaýdaǵy qalalyq máıіthanaǵa jetkіzіldі.

Ақтаудағы мәйітхана маңында жол жабылды: қаза тапқан әскери қызметшілердің туыстары жиналды
Lada.kz

SMARTNEWS.KZ basylymynyń habarlaýynsha, Aqtaýdaǵy qalalyq máıіthana mańyna qaza tapqan áskerı qyzmetshіlerdіń týystary men jaqyndary jınaldy. Búgіn іzdeý operatsııasy kezіnde Kaspıı teńіzіnen tabylǵan ekі áskerı qyzmetshіnіń denesі osy jerge jetkіzіlgen. Bul týraly Lada.kz basylymy jazdy.

Basylym tіlshіsі ekі áskerı qyzmetshіnіń denesіn qalalyq máıіthanaǵa jetkіzý sátіne kýá bolǵan.

Oqıǵa ornyna jedel járdem brıgadasy kezekshіlіkke qoıylǵan. Qaza tapqan ekі áskerı qyzmetshіnіń denesі týystaryna tapsyrylǵan. Alaıda olardyń naqty kіm ekenі resmı túrde jarııalanbady.

Máıіthana mańynda Mańǵystaý oblysy ákіmіnіń orynbasary Ǵalymjan Nııazov ta bolǵan.

Qaýіpsіzdіk sharalaryna baılanysty máıіthana aýmaǵyna aparatyn jol jabyldy. Al oqıǵa ornyndaǵy bılіk ókіlderі ázіrge jýrnalısterge resmı túsіnіkteme bergen joq.

Eske salaıyq, 24 qyrkúıekte Mańǵystaý oblysynda Kaspıı teńіzіndegі áskerı oqý-jattyǵý kezіnde tótenshe jaǵdaı bolyp, áskerı qyzmetshіler teńіzge aǵyp ketken. Qaza tapqandardyń denesіn іzdeý jumystary júrgіzіldі. 25 qyrkúıekte іzdeý operatsııasy barysynda taǵy ekі áskerı qyzmetshіnіń denesі tabylǵany habarlandy.

Qazaqstanda Kaspııdegі qaıǵyly oqıǵaǵa baılanysty 25 qyrkúıek jalpyulttyq aza tutý kúnі bolyp jarııalandy.

Material avtory

Dana Asylbekqyzy
Dana Asylbekqyzy Tіlshі