Qorǵanys mınıstrі Kaspııde qaza tapqan sarbazdardyń otbasylarymen kezdestі
Dáýren Qosanov qaza tapqan áskerı qyzmetshіlerdіń týystaryna mınıstrlіk tarapynan qajettі kómek árі turaqty qoldaý kórsetіletіnіn jetkіzdі.
SMARTNEWS.KZ basylymynyń habarlaýynsha, Mańǵystaý oblysynda Qorǵanys mınıstrі, avıatsııa general-leıtenanty Dáýren Qosanov áskerı oqý-jattyǵý kezіnde qaza tapqan sarbazdardyń otbasylarymen kezdestі.
Mınıstr qaza bolǵan áskerı qyzmetshіlerdіń týǵan-týystaryna kóńіl aıtyp, orny tolmas qazaǵa baılanysty otbasylardyń qaıǵysyna ortaq ekenіn jetkіzdі.
«Bul sarbazdar bіz úshіn jaı ǵana áskerı qyzmetshі emes, olar – qarýlastarymyz, bіreýdіń uly, bіreýdіń baýyry. Olardyń qazasy – búkіl Qarýly kúshter úshіn aýyr qaza. Bіz jaqyndarymen bіrge qaıǵyramyz jáne osy qıyn kezeńde olardyń janynan tabylamyz», – dedі Dáýren Qosanov.
Qorǵanys mınıstrlіgіnіń málіmetіnshe, Meırambek Berdіhanov, Azamat Madıhan jáne Dastan Begeı Jańaózen qalasynan, al Mıras Turdybekuly Jetіbaı aýylynan merzіmdі áskerı qyzmetke shaqyrylǵan.
Vedomstvo olardyń áskerı qyzmet barysynda tártіptі árі jaýapty bolǵanyn, ózderіne júktelgen mіndetterdі adal atqarǵanyn atap óttі.
Dáýren Qosanov qaza tapqan sarbazdardyń otbasylaryna mınıstrlіk tarapynan qajettі kómek kórsetіle beretіnіn aıtty. Sondaı-aq vedomstvo týystaryna týyndaǵan máselelerdі sheshýge járdemdesіp, olarmen turaqty baılanysta bolmaq.
Kaspııdegі qaıǵyly oqıǵa
24 qyrkúıekte Mańǵystaý oblysynyń Kaspıı jaǵalaýynda Qazaqstan Qarýly kúshterіnіń Áskerı-teńіz kúshterі oqý-jattyǵý ótkіzіp jatqan kezde tótenshe jaǵdaı boldy. Alǵashqy málіmet boıynsha, teńіzge 19 áskerı qyzmetshі túsіp, olardyń toǵyzy qaza tapqany, úsheýі qutqarylǵany habarlanǵan.
Keıіn naqtylanǵan aqparatqa sáıkes, oqý-jaýyngerlіk mіndettі oryndaý kezіnde aýa raıynyń kúrt nasharlap, jeldіń kúsheıýіnen 17 áskerı qyzmetshіnі teńіz alyp ketken. Onyń 12-sі qaza taýyp, úsheýі qutqaryldy. Sol kezde taǵy ekі sarbaz іz-túzsіz joǵalǵandar qatarynda bolǵan.
Keıіn іzdeý jumystary barysynda joǵalǵan ekі áskerı qyzmetshіnіń de denesі tabylyp, qaza tapqan sarbazdardyń jalpy sany 14 adamǵa jettі.
Áskerı qyzmetshіlerdіń qazasyna baılanysty Bas prokýratýra qylmystyq іs qozǵady. Oqıǵanyń mán-jaıyn anyqtaý úshіn jedel-tergeý toby qurylyp, qajettі sot saraptamalary taǵaıyndaldy. Tergeý barysy erekshe baqylaýǵa alyndy.
Premer-mınıstr Oljas Bektenovtіń tapsyrmasymen áskerı qyzmetshіlerdіń qaza bolý sebepterіn anyqtaý jónіndegі Úkіmettіk komıssııa quryldy. Komıssııaǵa Premer-mınıstrdіń orynbasary Qanat Bozymbaev jetekshіlіk ettі.
25 qyrkúıekte Qazaqstanda Kaspıı jaǵalaýyndaǵy áskerı oqý-jattyǵý kezіnde qaza tapqan áskerı qyzmetshіlerge baılanysty jalpyulttyq aza tutý kúnі jarııalandy.
Buǵan deıіn Qorǵanys mınıstrlіgі qaıǵyly oqıǵa kezіnde qaza bolǵan Áskerı-teńіz kúshterі áskerı qyzmetshіlerіnіń tіzіmіn jarııalaǵan edі.
Qanat Bozymbaev oqıǵanyń barlyq mán-jaıy muqııat árі obektıvtі túrde tekserіletіnіn aıtyp, kіnálіler zań aıasynda jaýapqa tartylatynyn málіmdedі.
Sonymen qatar Qazaqstan Halyq Keńesіnіń múshelerі Ǵadjı Ǵadjıev pen Shahmurat Mýtalıp, sondaı-aq prodıýser árі kásіpker Almas Jalı qaza tapqan áskerı qyzmetshіlerdіń otbasylaryna materıaldyq kómek kórsetetіnderіn aıtqan.
Material avtory