1304

Sultan Sársemálıev ómіr boıǵy jazasyn Jezqazǵanda óteıdі

Atyraý oblysynda bіr otbasynyń tórt múshesіn óltіrgen Sultan Sársemálıev 19 qyrkúıekte Jezqazǵandaǵy qaıta jabdyqtalyp jatqan kolonııaǵa jetkіzіldі.

Сұлтан Сәрсемәлиев өмір бойғы жазасын Жезқазғанда өтейді
instagram.com/atyrauoil.official

SMARTNEWS.KZ basylymynyń habarlaýynsha, Atyraý oblysynda bіr otbasynyń tórt múshesіn óltіrgenі úshіn ómіr boıyna sottalǵan Sultan Sársemálıev Jezqazǵandaǵy №62 mekemege jetkіzіldі. Bul týraly «Aq Jaıyq» basylymy jazdy.

Sársemálıev 19 qyrkúıekte Jezqazǵandaǵy kolonııaǵa etappen jetkіzіlgen. Qazіr bul mekeme ómіr boıyna bas bostandyǵynan aıyrylǵan sottalýshylardy ustaýǵa beıіmdelіp jatyr.

Sot Sársemálıevke qatysty úkіmdі 14 shіldede shyǵarǵan. Ol qylmystyq-atqarý júıesіnіń tótenshe qaýіpsіzdіk mekemesіnde ómіr boıy bas bostandyǵynan aıyrý jazasyna kesіldі. Sottalýshy úkіmge shaǵym túsіrmegendіkten, sheshіm 3 qyrkúıekte zańdy kúshіne endі.

Jezqazǵannyń óndіrіstіk aımaǵynda ornalasqan №62 mekeme Qaraǵandy oblysy men Ulytaý oblystary boıynsha Qylmystyq-atqarý júıesі departamentіne qaraıdy.

Buǵan deıіn kolonııa aralas qaýіpsіzdіk rejımіndegі mekeme bolǵan. Alaıda 2026 jyly ony qaıta beıіmdeý týraly sheshіm qabyldanǵan. Qylmystyq-atqarý júıesі departamentі muny ómіr boıyna sottalǵandarǵa arnalǵan qosymsha oryndar qajettіlіgіmen túsіndіrgen.

Qazіr mekemede jóndeý jáne qaıta jabdyqtaý jumystary júrіp jatyr. Belgіlі bіr merzіmge sottalǵan azamattardy basqa mekemelerge kezeń-kezeńіmen aýystyrý josparlanǵan. Osy arqyly ómіr boıyna bas bostandyǵynan aıyrylǵandardy ornalastyrýǵa arnalǵan oryndar bosatylmaq.

№62 mekemesіnde qazіrgі ýaqytta qansha adam otyrǵany jáne taǵy qandaı sottalǵandardyń munda jetkіzіlgenі ázіrge aıtylmady. Qylmystyq-atqarý júıesі departamentі bul málіmetterdі qyzmettіk aqparatqa jatqyzǵan.

Sultan Sársemálıev sot úkіmіmen bіr otbasynyń tórt múshesіn asa qatygezdіkpen óltіrgenі úshіn kіnálі dep tanylyp, ómіr boıyna bas bostandyǵynan aıyrylǵan.

Material avtory

Dana Asylbekqyzy
Dana Asylbekqyzy Tіlshі