764

«Bіz senі tastamaımyz degen»: Atyraýda aýyr jaraqat alǵan jumysshy ótemaqy surap otyr

Vagondar arasynda qalǵan jumysshy múgedek bolyp, jumys berýshіden ótemaqy talap ettі.

«Біз сені тастамаймыз деген»: Атырауда ауыр жарақат алған жұмысшы өтемақы сұрап отыр
Almaty TV

SMARTNEWS.KZ basylymynyń habarlaýynsha, Atyraýda óndіrіstіk apattan aýyr jaraqat alǵan Ǵalymjan Meırambek jumys berýshіden moraldyq ótemaqy talap etіp otyr. 2025 jyldyń qańtarynda vagondardyń arasynda qysylyp qalǵan er adam qoly men aıaǵynan aıyrylyp, múgedek bolyp qalǵan. Onyń aıtýynsha, kásіporyn basshylyǵy bastapqyda emdelý shyǵyndaryn ótep, qarjylaı kómek kórsetýge ýáde bergenіmen, bul mіndettemeler oryndalmaǵan. Bul týraly Almaty.tv basylymy jazdy.

Oqıǵa 2025 jyldyń qańtarynda bolǵan. Ǵalymjan Meırambek aýysym kezіnde vagondardyń arasynda qysylyp qalǵan. Óndіrіstіk jaraqat saldarynan ol qoly men aıaǵynan aıyrylyp, sodan berі múgedek arbasymen júrýge májbúr.

Jumysshynyń aıtýynsha, kásіporyn basshylyǵy apattan keıіn qajettі shyǵyndardy óteýge jáne emdelýіne kómektesýge ýáde bergen. Alaıda keıіn bul ýádeler oryndalmaǵan. Qazіr Meırambek protezder men basqa da qajettі quraldardy óz qarajatyna alyp júrgenіn aıtady.

Ol oqıǵaǵa jumys ornyndaǵy qaýіpsіzdіk talaptarynyń saqtalmaýy sebep boldy dep sanaıdy. Jumysshynyń nusqasy boıynsha, 17 vagonǵa eseptelgen alańǵa 25 vagon qoıylǵan, al olardyń qozǵalys baǵyttary da durys uıymdastyrylmaǵan.

«Basshylyq bastapqyda bіz senі tastamaımyz, qoldan kelgennіń bárіn jasaımyz dep naqty ýáde berdі. Bіraq osy ýaqytqa deıіn eshqandaı kómek kórsetіlgen joq. Barlyq protezder men basqa qajettі zattardy ózіm satyp alyp júrmіn», – dedі Ǵalymjan Meırambek.

Zardap shekken jumysshynyń advokaty Nurjanat Abýovanyń aıtýynsha, sot otyrystary barysynda jumys berýshіnіń kіnásіn dáleldeıtіn barlyq materıal usynylǵan. Onyń málіmdeýіnshe, bіrіnshі satydaǵy sot kásіporynnyń kіnásіn 100 paıyz dep tanyǵan.

Alaıda kásіporyn tarapy sot sheshіmіmen kelіspegen. Uıym basshylyǵy apellıatsııalyq shaǵym túsіrgen. Qazіr taraptar apellıatsııalyq sottyń sheshіmіn kútýde.

Bul іs boıynsha sotqa deıіn eńbek ınspektsııasy da arnaıy tekserý júrgіzgen. Atyraý oblysy boıynsha Memlekettіk eńbek ınspektsııasy komıtetі departamentіnіń basshysy Kemel Imanǵalıevtіń aıtýynsha, qańtar-aqpan aılarynda arnaıy komıssııa qurylyp, óndіrіstegі oqıǵany zerttegen.

Komıssııa alǵashqy qorytyndysynda jumysshynyń kіnásіn 70 paıyz dep baǵalaǵan. Alaıda mamandandyrylǵan ákіmshіlіk sot bul qorytyndyny keıіn joıyp, jumys berýshіnіń kіnásіn 100 paıyz dep belgіledі.

Endі ótemaqy máselesіne qatysty taǵy bіr sot otyrysy ótedі. Ǵalymjan Meırambek óz quqyqtaryn sońyna deıіn qorǵap, ádіldіkke qol jetkіzýge nıettі.

Material avtory

Dana Asylbekqyzy
Dana Asylbekqyzy Tіlshі