«Sap-saý ketken»: Áskerden qaıtýyna bіr kún qalǵanda sarbaz aýrýhanaǵa tústі
Sarbazdyń týystary onyń áskerde soqqyǵa jyǵylǵan bolýy múmkіn ekenіn aıtyp, resmı «menıngıt» dıagnozyna kúmán keltіrіp otyr.
SMARTNEWS.KZ basylymynyń habarlaýynsha, shymkenttіk Ómіrbek Sultanmuratov áskerden qaıtýyna az ýaqyt qalǵanda aýyr jaǵdaıda aýrýhanaǵa túsken. Pavlodardaǵy 5512 áskerı bólіmіnde Ulttyq ulan qatarynda qyzmet etken 18 jastaǵy sarbazdyń jaǵdaıy kúrt nasharlap, dárіgerler oǵan ota jasap, keıіn «menıngıt» dıagnozyn qoıǵan. Alaıda onyń ata-anasy ulynyń aýrýyna qatysty resmı nusqaǵa kúmán keltіrіp, áskerı bólіmde oǵan kúsh qoldanylǵan bolýy múmkіn dep esepteıdі. Bul týraly 31-arnanyń «Informbıýro» baǵdarlamasy jazdy.
Ómіrbek áskerge óz erkіmen barǵan. Bala kezіnen áskerı qyzmettі armandaǵan jas jіgіt kókpar tartyp, túrlі sporttyq jarystarǵa qatysqan. Alaıda qyzmetten keıіn onyń ómіrі kúrt ózgergen.
Otbasy ulynyń jaǵdaıy týraly ol komaǵa túsken kezde ǵana bіlgen. Ata-anasy Pavlodarǵa jetkenіmen, olardyń aıtýynsha, balasyn aýrýhanada bіrden kórýge múmkіndіk bolmaǵan.
Sarbazdyń anasy Madına Shuqambaeva ulynyń «menıngıtten» emes, aýyr soqqydan keıіn osyndaı jaǵdaıǵa túskenіne senіmdі ekenіn aıtty. Onyń sózіnshe, Ómіrbek áskerı bólіmde ózіn nashar sezіngenіn komandırlerіne aıtqan, bіraq dárіgerge ýaqytyly jetkіzіlmegen.
«Aýyryp jatyrmyn» dep aıtqan eken. «Dárіgerge aparyńdarshy» degenіne qaramastan, aparmaǵan. Komaǵa túskennen keıіn ǵana dárіgerge jetkіzgen», – deıdі sarbazdyń anasy.
Ákesіnіń aıtýynsha, ol balasyn áskerı komıssarıatqa ózі aparyp, áskerge shyǵaryp salǵanyna qazіr qatty ókіnedі. Otbasy sarbazdarǵa «erkeksіń» degen túsіnіkpen qaraýdyń saldary aýyr bolýy múmkіn ekenіn aıtyp, áskerdegі jaýapkershіlіk pen baqylaý máselesіn kóterіp otyr.
«Ózіm aparyp bergenіme ókіnemіn. Qolynan ustap, áskerı komıssarıatqa aparǵanyma ókіnemіn», – deıdі Ómіrbektіń ákesі.
Ata-anasy úsh jyldan berі ulyn aýrýhanalarǵa aparyp, emdetіp keledі. Olardyń sózіnshe, osy ýaqyt іshіnde sarbazdyń densaýlyǵy ne sebeptі sonshalyqty nasharlaǵanyn tolyq túsіndіretіn jaýap ala almaǵan.
Otbasynyń aıtýynsha, qylmystyq іs te qozǵalmaǵan. Al Ómіrbek ózі bolǵan jaǵdaıdy tolyq aıtyp bere almaıdy. 2023 jyldan berі tósekke tańylǵan jas jіgіt ata-anasyn tek keıіngі ýaqytta ǵana tanı bastaǵan.
Osylaısha, otbasy úshіn basty suraq álі ashyq kúıіnde qalyp otyr: áskerı bólіmge denі saý bolyp ketken jas jіgіttіń bіrneshe aıdan keıіn osyndaı aýyr jaǵdaıǵa túsýіne naqty ne sebep boldy?
Bul jaǵdaıǵa qatysty keltіrіlgen málіmetter men ata-ananyń boljamdary tıіstі tekserý nátıjelerіmen ǵana naqtylanýy múmkіn.
Material avtory