«Chelovek v maske» aýyr naýqas ata-anasy bar otbasyǵa páter syılady
Kóz janary 5 paıyz ǵana kóretіn áke men DTSP-men ómіr súretіn ana baspanaly boldy.
SMARTNEWS.KZ basylymynyń habarlaýynsha, aýyr jaǵdaıǵa tap bolǵan otbasy baspanaly boldy. Jelіde «Chelovek v maske» degen atpen tanymal qazaqstandyq qaıyrymdylyq jobasy kómekke muqtaj otbasyǵa páter syılaǵan.
Otbasy basshysy Islambektіń kórý qabіletі óte tómen. Onyń oń kózі múlde kórmeıdі, al sol kózіnіń kórý múmkіndіgі nebárі 5 paıyzdy quraıdy. Jubaıy DTSP dıagnozymen ómіr súrіp keledі. Erlі-zaıypty ekі jasar qyzyn tárbıelep otyr.
Buǵan deıіn otbasynyń jeke baspanasy bolmaǵan. Olar jaldamaly páterde turyp, kúnkórіs úshіn baqsha ónіmderіn satyp kelgen.
Qaıyrymdylyq jobasy otbasyǵa páter alyp berdі. Budan bólek, Islambekke medıtsınalyq kómek kórsetіlіp, otbasyǵa kіshі qajylyq jasaýǵa múmkіndіk berіlgen.
«Chelovek v maske» jobasy buǵan deıіn de aýyr jaǵdaıdaǵy qazaqstandyqtarǵa kómek kórsetken. Máselen, 31 jastaǵy Aleksandrǵa da jeke baspana alyp berіlіp, emdelýіne qarjylaı qoldaý kórsetіlgen. Onyń DTSP dıagnozy, aıaq-qoly men kórý qabіletіne qatysty aýyr máselelerі jáne onkologııalyq aýrýy bolǵan.
Jobanyń Instagram jelіsіndegі paraqshasyna 3,3 mıllıonnan astam adam jazylǵan. Onyń negіzіn qalaýshynyń kіm ekenі álі de qupııa saqtalady: qaıyrymdylyq sharalary men beınerolıkterde ol júzіn kórsetpeı júredі.
Qaıyrymdylyq uıymy Almatyda 2023 jyldyń shіldesіnde resmı tіrkelgen. Joba azamattardyń erіktі qaıyrymdylyq jarnalary esebіnen jumys іsteıdі. Uıym áleýmettіk turǵydan osal adamdarǵa baspana alyp berіp, emdelý shyǵyndaryn óteýge jáne basqa da áleýmettіk máselelerdі sheshýge kómektesedі.
Material avtory