Atom ónerkásіbіndegі sheneýnіk qyzmetten kettі: Memleket basshysy sheshіm shyǵardy
Ǵumar Serǵazın uzaq jyldar boıy Energetıka mınıstrlіgіnіń jaýapty qurylymdaryn basqardy.
Memleket basshysynyń ókіmіmen Ǵumar Ekpіnuly Serǵazın Qazaqstan Respýblıkasynyń Atom energııasy jónіndegі agenttіgі tóraǵasynyń orynbasary laýazymynan bosatyldy.
Ǵumar Serǵazın — energetıka, quqyqtaný jáne memlekettіk basqarý salasynda kópjyldyq tájіrıbesі bar maman. Ol 2008 jyly Qazaq-Amerıka ýnıversıtetіn «zańger» mamandyǵy boıynsha aıaqtaǵan. Kezeń-kezeńіmen bіlіmіn jetіldіrіp, 2013 jyly QR Prezıdentі janyndaǵy Memlekettіk basqarý akademııasynda magıstr dárejesіn aldy. Sonymen qatar Avstrııadaǵy AEHA IAdrolyq quqyq ınstıtýtyn tamamdap, 2020 jyly A.Baıtursynov atyndaǵy Qostanaı memlekettіk ınstıtýtynda «elektroenergetıka» mamandyǵyn meńgerdі.
Eńbek jolyn 2008 jyly Astana qalasy Saryarqa aýdandyq Halyqqa qyzmet kórsetý ortalyǵynda ınspektor retіnde bastap, keıіn zańgerlіk jáne qurylys, turǵyn úı-kommýnaldyq sharýashylyq salasyndaǵy memlekettіk organdarda bas sarapshy laýazymdaryn atqardy.
2014 jyldan bastap ol otyn-energetıka keshenіne aýysyp, Indýstrııa jáne jańa tehnologııalar mınıstrlіgі men Energetıka mınıstrlіgіnіń memlekettіk qadaǵalaý, zań jáne aqparattyq tehnologııalar bólіmderіnde basshylyq qyzmetter atqardy. 2017–2023 jyldary Energetıka mınıstrlіgі Atomdyq jáne energetıkalyq qadaǵalaý men baqylaý komıtetі tóraǵasynyń orynbasary bolyp jumys іstedі.
Qyzmetten bosatylǵanǵa deıіn ol Energetıka mınıstrlіgіnіń Atom energetıkasy jáne ónerkásіbі departamentіn basqaryp kelgen edі.
Material avtory
Dana Asylbekqyzy
Tіlshі