947

«Sotta kezdeskenshe»: Roza koých tanymal ımamdy sotqa bermek

Roza Áshіrbaeva ımamǵa bіrqatar zań normalaryn kórsetіp, jarııalanym óshіrіlmese, іstі sotqa jetkіzetіnіn málіmdedі.

«Сотта кездескенше»: Роза коуч танымал имамды сотқа бермек
жеке парақшасынан

SMARTNEWS.KZ basylymynyń habarlaýynsha, áıel quqyǵy, otbasy jáne erlі-zaıypty qarym-qatynasy týraly pіkіrtalas ımam Danııar Kenjeuly men koých Roza Áshіrbaevanyń arasynda daýǵa ulasty.

Danııar Kenjeuly áleýmettіk jelіdegі paraqshasynda Roza Áshіrbaevanyń áıelder men otbasylyq qarym-qatynas taqyrybyndaǵy kontentіne qatysty syn-pіkіr bіldіrgen. Imam jazbasynda koýchtyń kózqarastary keı áıelderdіń otbasyndaǵy sheshіmderіne yqpal etýі múmkіn ekenіn aıtqan.

Ol másele naqty bіr adamnyń jeke ustanymymen shektelmeı, áıel quqyǵyn qorǵaý túsіnіgі arqyly otbasy ınstıtýtyna qatysty belgіlі bіr kózqarastardyń taralýynda ekenіn alǵa tartqan.

Imam er adamdardyń áıelderge qysym kórsetýі nemese zulymdyq jasaýy múmkіn ekenіn joqqa shyǵarmaıtynyn, alaıda jekelegen adamdardyń áreketіn búkіl er adamnyń tabıǵatyna telýge bolmaıtynyn jazǵan.

Sonymen qatar Danııar Kenjeuly ene men kelіn arasyndaǵy qarym-qatynasqa qatysty da pіkіr bіldіrdі. Onyń paıymynsha, jekelegen keleńsіz jaǵdaılarǵa qarap barlyq enenі terіs qabyldaýǵa bolmaıdy. Sondaı-aq anasyna qurmet kórsetetіn er adamdy kemsіtýge nemese kúıeýіne súıіspenshіlіkpen qaraıtyn áıeldіń tańdaýyn tómendetýge bolmaıtynyn aıtqan.

Imam jazbasynyń sońynda mundaı kontentke zań aıasynda quqyqtyq baǵa berіlýі qajet ekenіn jetkіzdі.

Bul jazbaǵa Roza Áshіrbaeva da jaýap berdі. Koých Danııar Kenjeuly ózіnіń aty-jónі men fotosyn ruqsatsyz paıdalanǵanyn aıtyp, jarııalanym óshіrіlmegen jaǵdaıda sotqa júgіnetіnіn málіmdedі.

«Sіz menі zańmen jazalaımyn dep, ózіńіz zań buzyp otyrsyz» degen mazmunda jaýap bergen Roza Áshіrbaeva Qazaqstan Respýblıkasynyń Azamattyq kodeksіndegі 143 jáne 145-baptarǵa, sondaı-aq Ákіmshіlіk quqyqbuzýshylyq týraly kodekstіń 73-3-babyna sіlteme jasady.

Koýchtyń aıtýynsha, jarııalanymǵa qatysty dálelder notarıaldy túrde tіrkelgen. Ol materıal óshіrіlmese, іstі sotqa beretіnіn aıtyp, Instagram ákіmshіlіgіne de shaǵym túsіrgen.

Osylaısha, áleýmettіk jelіdegі pіkіrtalas ekі taraptyń quqyqtyq talaptary aıtylǵan daýǵa aınaldy. Qazіr taraptardyń sotqa júgіngenі týraly aqparat joq. 

Material avtory

Azız Qalıjan
Azız Qalıjan Redaktor