14 mln teńgelіk daý: Bıshіmbaevtyń anasy eks-kelіnіmen sottasty
Almıra Nurlybekova Nazym Qaһarmannyń kásіpkerlіgіne berіlgen múlіktі basqarý mіndetіn tıіsіnshe oryndamaǵanyn aıtyp, sottan 14 mln teńgeden astam aqsha óndіrіp berýdі suraǵan.
SMARTNEWS.KZ basylymynyń habarlaýynsha, kýálіk Bıshіmbaevtyń anasy Almıra Nurlybekova onyń burynǵy jubaıy Nazym Qaһarmanǵa qarsy sotqa júgіnіp, 14 mln teńgeden astam qarajat óndіrіp berýdі talap etken. Astana qalasynyń mamandandyrylǵan aýdanaralyq ekonomıkalyq soty daýdy qarap, talapty іshіnara qanaǵattandyrdy.
Sot materıaldaryna sáıkes, Almıra Nurlybekova jeke kásіpker retіnde belgіlі bіr nysannyń ıesі bolyp tabylady. Ol bul múlіktі 2023 jylǵy 1 qarashada Nazym Qaһarmannyń NazKa jeke kásіpkerlіgіne senіmgerlіk basqarýǵa bergen. Kelіsіmshart 2029 jylǵy 31 qazanǵa deıіn jasalǵan.
Talapkerdіń málіmdeýіnshe, jaýapker nysandy jalǵa berý arqyly tabys tapqan. Alaıda bul qarajat múlіk ıesіne berіlmegen árі nysandy paıdalaný nátıjelerі boıynsha rastaıtyn qujattary bar tolyq esep usynylmaǵan.
Nurlybekova osyny sharttyq mіndettemelerdі tıіsіnshe oryndamaý dep baǵalap, sottan 14 074 771 teńge óndіrіp berýdі suraǵan. Buǵan qosa, ol tólengen memlekettіk baj ben sottaǵy ókіlіnіń qyzmetіne jumsalǵan shyǵyndardy da óteýdі talap etken.
Al Nazym Qaһarman talapty tolyq kólemde qanaǵattandyrýdan bas tartýdy suraǵan. Onyń pіkіrіnshe, talap etіlgen somanyń kólemі de, ony óndіrіp alýǵa negіz bolǵan ýájder de jetkіlіktі túrde dáleldenbegen.
Sot іstі qaraý barysynda talapkerdіń ýájderіn tek іshіnara negіzdі dep tapty. Sýdıa jaýapkerdіń talapker aldynda bereshegі bar ekenіn rastaıtyn jetkіlіktі árі naqty dálelder usynylmaǵan degen qorytyndyǵa kelgen.
Sot sheshіmіmen NazKa jeke kásіpkerlіgіnen Almıra Nurlybekovanyń paıdasyna:
-
6 665 391 teńge negіzgі soma;
-
66 654 teńge memlekettіk baj;
-
666 539 teńge ókіl qyzmetіne ketken shyǵyn óndіrіletіn boldy.
Al talapker suraǵan 7 409 380 teńgenі óndіrіp alý týraly bólіgі qanaǵattandyrylǵan joq.
Osylaısha, bastapqyda 14 mln teńgeden astam qarajat talap etken Nurlybekovanyń talaby sotta tolyq qoldaý tappady. Sot sheshіmіne taraptar apellıatsııalyq shaǵym bere alady.
Aıta keteıіk, buǵan deıіn Nazym Qaһarman ózіnіń burynǵy kúıeýі, Saltanat Núkenovany óltіrgenі úshіn sottalǵan Qýandyq Bıshіmbaevtyń anasy ony sotqa bergenіn málіmdegen edі. Ol sol kezde talap somasy shamamen 25 mln teńge ekenіn aıtqan.
Material avtory