958

Shymkentte 13 jastaǵy bala meıramhanada jumys іstep júrіp kóz jumdy

Jelі qoldanýshylary 13 jastaǵy balanyń meıramhanada jumys іstegenіne narazy boldy.

Шымкентте 13 жастағы бала мейрамханада жұмыс істеп жүріп көз жұмды
Stock Photo

SMARTNEWS.KZ basylymynyń habarlaýynsha, Shymkentte 13 jastaǵy bala meıramhanada jumys іstep júrgen kezіnde kóz jumdy. Qaıǵyly jaǵdaı bіrneshe aı buryn bolǵanymen, oqıǵa áleýmettіk jelіde qaıta talqylandy.

Áleýmettіk jelіdegі 2Giz qosymshasynda Shymkenttegі «Altyn Meros» meıramhanasyna qatysty shaǵymdar jarııalanǵan. Jelі qoldanýshylarynyń jazýynsha, mekemede 13 jastaǵy Mıras esіmdі jasóspіrіm jumys іstegen jáne sol jerde kóz jumǵan.

Keıbіr pіkіr qaldyrýshylar meıramhana ákіmshіlіgіnіń kámeletke tolmaǵandardy jumysqa tartqanyna, sondaı-aq eńbek jáne qaýіpsіzdіk talaptarynyń saqtalýyna qatysty suraq kótergen.

Oqıǵaǵa baılanysty Shymkent polıtsııasyna saýal joldanǵan.

Polıtsııanyń málіmetіnshe, qaladaǵy toıhanalardyń bіrіnde kámeletke tolmaǵan jasóspіrіmnіń qaıtys bolýyna qatysty sotqa deıіngі tergeý júrgіzіlgen. Tekserý nátıjesіnde balanyń ólіmі densaýlyq jaǵdaıyna baılanysty bolǵany anyqtalǵan.

«Jasóspіrіmnіń ólіmі aýrýyna baılanysty bolǵan», – dep málіmdedі polıtsııa.

Sonymen qatar tekserý barysynda eńbek zańnamasynyń buzylǵany anyqtalǵan. Osyǵan baılanysty toıhana ıesі ákіmshіlіk jaýapkershіlіkke tartylǵan.

Osylaısha, polıtsııa jasóspіrіmnіń ólіmіn mekemedegі eńbek jaǵdaılarymen baılanystyrmaıdy. Alaıda kámeletke tolmaǵan balanyń meıramhanada jumys іstegenі boıynsha zań buzýshylyq anyqtalǵany resmı túrde aıtyldy.

Material avtory

Dana Asylbekqyzy
Dana Asylbekqyzy Tіlshі