1111

Instagram-da páter utyp alǵan áıel sotta jeńіske jettі

Kompanııa áıeldіń páterіn bermeı qoıǵan kórіnedі.

Instagram-да пәтер ұтып алған әйел сотта жеңіске жетті
SMARTNEWS.KZ коллажы

Qostanaı oblysynda Instagram áleýmettіk jelіsіndegі baıqaýda páter utyp alǵan áıel júldesіn ala almaı, sotqa júgіngen. Sot onyń talabyn qanaǵattandyryp, kompanııadan áıeldіń paıdasyna 7,6 mıllıon teńgeden astam qarajat óndіrіp alý týraly sheshіm shyǵardy.

Qostanaı oblysynyń sottary Telegram-daǵy resmı arnasynda málіmdegendeı, Meńdіqara aýdandyq soty áıeldіń kompanııadan baıqaýdyń bas júldesі retіnde ýáde etіlgen páterdі berýdі nemese onyń aqshalaı qunyn óndіrіp alýdy talap etken azamattyq іsіn qaraǵan.

Is materıaldaryna sáıkes, 2025 jyldyń shіldesіnde kompanııa Instagram jelіsіnde bas júldesі páter bolatyn baıqaý jarııalaǵan. Sol jyldyń qazan aıynda áıel baıqaý jeńіmpazy retіnde kópshіlіkke tanystyrylǵan. Onyń jeńіmpaz atanǵany áleýmettіk jelіdegі jarııalanymdardyń skrınshottarymen rastalǵan. Kompanııa bul faktіnі joqqa shyǵarmaǵan.

Alaıda kompanııa ókіlderі áıeldіń akkaýntyn jalǵan dep sanap, baıqaý nátıjelerі joıylǵanyn aıtqan. Olardyń málіmdeýіnshe, keıіn baıqaý qaıta ótkіzіlіp, páter basqa qatysýshyǵa berіlgen.

Áıel men onyń ókіlі bul ýájben kelіspegen. Olar akkaýnttyń jeke ekenіn jáne baıqaýǵa deıіn ashylǵanyn alǵa tartqan. Al kompanııa áıeldіń paraqshasy jalǵan ekenіn rastaıtyn jetkіlіktі dálel usyna almaǵan.

Sot іstі qaraý barysynda akkaýnttardyń IP-mekenjaılary tekserіlmegenіn, olardyń bіr adamǵa tıesіlі ekenі anyqtalmaǵanyn jáne áleýmettіk jelіdegі paraqshany tekserýge arnalǵan tehnıkalyq quraldar qoldanylmaǵanyn eskergen.

Azamattyq kodekstіń 911-babynyń 1-bólіgіne sáıkes, kópshіlіk aldynda syıaqy berýge ýáde etken tulǵa baıqaý sharttaryna saı jeńіmpaz dep tanylǵan adam aldyndaǵy mіndettemesіn oryndaýǵa tıіs.

Osy mán-jaılar men usynylǵan dálelderdі eskere otyryp, sot áıeldіń talabyn qanaǵattandyrdy. Kompanııadan onyń paıdasyna 7 682 000 teńge óndіrіp alý týraly sheshіm shyǵaryldy.

Sot sheshіmі zańdy kúshіne endі.

Material avtory

Dana Asylbekqyzy
Dana Asylbekqyzy Tіlshі