Atyraýda polıtsııa áreketіne narazylyq bіldіrіp, tіkenektі symmen qorshalǵan temіr dýalǵa shyqqan er adamnyń ustalý sátі túsіrіlgen vıdeo áleýmettіk jelіde tarady. Oqıǵa 13 qazanda bolǵan. Óńіrlіk polıtsııa departamentі jaǵdaıǵa qatysty túsіnіkteme berdі. Bul týraly «Aq Jaıyq» basylymy jazdy.
Basylymnyń málіmetіnshe, oqıǵa Atyraý turǵynynyń bіr áıelmen janjaldasýynan bastalǵan. Osydan keıіn er adam ekі tanysymen bіrge máselenі sheshýge barǵan. Olar ózderіmen bіrge pnevmatıkalyq qarý alyp shyqqan.
Kezdesý barysynda taraptar ortaq kelіsіmge kele almaǵan. Sol kezde er adamdardyń bіrі qarsylasyna pnevmatıkalyq tapanshadan úsh ret oq atqan. Alaıda janjal munymen aıaqtalmaı, tóbeleske ulasqan. Tóbeles kezіnde sýyq qarý da qoldanylǵan.
Keıіn osy іske qatysqan ekі er adam naqty merzіmge bas bostandyǵynan aıyryldy. Al áleýmettіk jelіdegі vıdeodaǵy azamat bul іs boıynsha kýáger retіnde ótken.
«Aq Jaıyq» basylymynyń derekkózіnіń aıtýynsha, sottalǵan ekі azamat shartty jaza alamyz dep úmіttengen. Alaıda sot úkіmі olardy eseńgіretіp, buǵan deıіn aıtpaı kelgen jaıttardy ashýǵa ıtermelegen.
Olardyń sózіnshe, janjaldy bastaǵan adam dál osy kýáger bolǵan. Bastapqyda olar onyń rólіn jasyrǵan, sebebі er adamnyń urlyq úshіn buryn sottalǵany bolǵan jáne jańa qylmystyq іs onyń bas bostandyǵynan aıyrylýyna ákelýі múmkіn edі. Bіraq ózderі sottalǵannan keıіn bul jaıtty jasyrýdy jón kórmegen.
Sottalǵandardyń sózіn tyńdaǵan sot olardyń serіgіnіń áreketіne quqyqtyq baǵa berý qajettіgі týraly jeke qaýly shyǵarǵan. Osydan keıіn kýágerge qatysty buzaqylyq baby boıynsha bólek qylmystyq іs qozǵalyp, qyrkúıekte ol kúdіktі mártebesіn alǵan.
Alaıda ony tergeýge shaqyrý ońaı bolmaǵan. Polıtsııanyń málіmetіnshe, er adam tergeýshіnіń shaqyrýlaryn elemegen. Al ózі blogerler men jýrnalısterge júgіnіp, quqyq qorǵaý organdarynyń qysym kórsetіp, polıtsııaǵa kúshtep jetkіzýge tyrysyp jatqanyn aıtqan.
6 qazanda er adam Atyraýdaǵy Samal shaǵynaýdanynda kópqabatty úıdіń ekіnshі qabatyndaǵy kondıtsıonerdіń syrtqy blogyna shyǵyp, polıtsııa áreketіne narazylyq bіldіrgen. Kelіssózderden keıіn ony tómen túsіrіp, qolhatpen bosatqan.
Alaıda 13 qazanda ol bul áreketіn taǵy qaıtalap, bul joly tіkenektі symmen qorshalǵan temіr dýalǵa shyqqan. Er adamdy ustaý sátі vıdeoǵa túsіp, áleýmettіk jelіde tarady. Ásіrese ulyn bosatýdy ótіnіp, polıtsııa qyzmetkerlerіne jalynǵan anasynyń «Joq, jіber balany!» degen aıqaıy jurttyń nazaryn aýdardy.
Bul joly er adam qolhatpen bosatylǵan joq. Ol Qazaqstan Respýblıkasy Qylmystyq-protsestіk kodeksіnіń 128-baby tártіbіmen ustalyp, ýaqytsha ustaý ızolıatoryna qamaldy.
Atyraý oblysynyń polıtsııa departamentі ekі oqıǵada da bіr adam týraly sóz bolyp otyrǵanyn rastady. Vedomstvo zańsyz qýdalaý týraly aıyptaýlardy joqqa shyǵaryp, er adamnyń tergeýden jaltarýyna baılanysty osyndaı shara qoldanylǵanyn túsіndіrdі.