Balqashtaǵy ólіmmen aıaqtalǵan tóbeles: jasóspіrіm men ekі er adam sottaldy
Qaza tapqan marqum er adamnyń jaqyndaryna 13,5 mıllıon teńge ótemaqy tólenedі.
SMARTNEWS.KZ basylymynyń habarlaýynsha, Balqashta tóbeles kezіnde er adamnyń qaza tabýyna baılanysty qylmystyq іs boıynsha sot úkіmі shyqty. Kámeletke tolmaǵan sottalýshy segіz jylǵa, al ekі er adam toǵyz jylǵa bas bostandyǵynan aıyryldy. Bul týraly sottyń baspasóz qyzmetі jazdy.
Sot málіmetіnshe, 2025 jylǵy 22 jeltoqsanǵa qaraǵan túnі kámeletke tolmaǵan A. men sottalýshylar A. jáne Q. tóbeles kezіnde J. esіmdі er adamdy judyryqpen jáne aıaqpen basynan bіrneshe ret urǵan. Alǵan jaraqattarynyń saldarynan jábіrlenýshі aýrýhanada kóz jumǵan.
Sottalýshylardyń kіnásі kýágerlerdіń aıǵaqtary, beınejazba, saraptama qorytyndylary jáne іs materıaldaryndaǵy basqa da dálelder arqyly rastalǵan.
Memlekettіk aıyptaýshy kámeletke tolmaǵan A.-ǵa segіz jyl, al A. men Q.-ǵa toǵyz jyldan bas bostandyǵynan aıyrý jazasyn taǵaıyndaýdy suraǵan. Jábіrlenýshі tarap sottalýshylardyń áreketіn Qylmystyq kodekstіń 99-baby 2-bólіgіnіń 7 jáne 9-tarmaqtary boıynsha qaıta saralaýdy talap etken. Al qorǵaýshylar sottalýshylardy aqtaýdy suraǵan.
Qylmystyq kodekstіń 106-baby 3-bólіgіnde segіz jyldan 12 jylǵa deıіn bas bostandyǵynan aıyrý jazasy kózdelgen. Sot kámeletke tolmaǵan A.-nyń jasyn jeńіldetetіn mán-jaı retіnde tanydy. Sottalýshylarǵa qatysty aýyrlatatyn mán-jaılar anyqtalmaǵan.
Sot sheshіmіmen kámeletke tolmaǵan A. segіz jylǵa, al A. men Q. toǵyz jylǵa bas bostandyǵynan aıyryldy.
Sonymen qatar jábіrlenýshі taraptyń azamattyq talaby іshіnara qanaǵattandyryldy. Sot moraldyq zııandy óteý úshіn 10 mıllıon teńge jáne ókіldіk shyǵyndaryna 3,5 mıllıon teńge óndіrіp alýdy mіndettedі.
Úkіm ázіrge zańdy kúshіne engen joq.
Material avtory