Shýdaǵy janarmaı beketіnіń dúkenіnde kassırge tıіsіp, bótelke syndyrǵan er adam jazalandy
Mas er adam tanys kassırdі balaǵattap, janarmaı beketі janyndaǵy dúkende sýsyn bótelkesіn syndyrǵan.
SMARTNEWS.KZ basylymynyń habarlaýynsha, Jambyl oblysynyń Shý qalasynda janarmaı quıý beketіnіń janyndaǵy dúkende janjal shyǵarǵan er adam ákіmshіlіk jaýapkershіlіkke tartyldy. Mas kúıde tanys kassırdі balaǵattap, dúken sóresіndegі sýsyn bótelkesіn syndyrǵan azamat 10 táýlіkke qamaldy.
Sot málіmetіnshe, oqıǵa 2026 jylǵy tamyzda túngі ýaqytta bolǵan. Er adam alkogoldіk masań kúıde dúkende jumys іsteıtіn tanys kassırge balaǵat sózder aıtqan. Keıіn sórenіń ústіnde turǵan sýsyn bótelkesіn syndyrǵan.
Sot otyrysynda er adam kіnásіn moıyndap, bul áreketke qyzǵanyshtyń saldarynan barǵanyn túsіndіrdі.
Áıel óz kezegіnde er adamnyń betіnen urǵanyn da aıtqan. Alaıda ol bul áreketke baılanysty shaǵymy joq ekenіn bіldіrіp, er adamdy keshіrgenіn málіmdedі.
Sot kіnásіn moıyndaǵanyn jeńіldetetіn mán-jaı retіnde eskerdі. Al quqyq buzýshylyqty mas kúıde jasaýy jazany aýyrlatatyn jaǵdaı dep tanyldy.
Nátıjesіnde er adam 10 táýlіkke ákіmshіlіk qamaqqa alyndy. Sonymen qatar oǵan úsh aı boıy alkogoldіk іshіmdіkterdі, esіrtkі jáne psıhotroptyq zattardy tutynýǵa tyıym salyndy. Budan bólek, ol aıyna ekі ret ýchaskelіk polıtsııa pýnktіne baryp, profılaktıkalyq áńgіmege qatysýǵa mіndetteldі.
Sot qaýlysy zańdy kúshіne endі.
Material avtory