1082

Astanada býrger men frı jegen balanyń jaǵdaıy nasharlap, aýrýhanaǵa tústі

Astanalyq áıeldіń aıtýynsha, balasynyń denesіn bórtpe basyp, dárі kómektespegen soń jedel járdem shaqyrýǵa týra kelgen.

Астанада бургер мен фри жеген баланың жағдайы нашарлап, ауруханаға түсті
pexels.com

SMARTNEWS.KZ basylymynyń habarlaýynsha, astanalyq áıel áleýmettіk jelіde balasynyń Qazaqstandaǵy fastfýd jelіlerіnіń bіrіnen býrger men kartop frı jegennen keıіn qatty allergııalyq reaktsııaǵa ushyrap, aýrýhanaǵa túskenіn málіmdedі. Onyń aıtýynsha, balanyń denesіn bórtpe basyp, jaǵdaıy qaıta nasharlaǵan.

Threads áleýmettіk jelіsіnde elena.zvezdnaya esіmіmen tіrkelgen áıeldіń sózіnshe, balasynyń denesіnde kúldіreýіkter paıda bolyp, qyshyǵan, al qyzarý búkіl denesіne jyldam taraǵan. Alǵashynda berіlgen dárі kómektespegen soń, anasy jedel járdem shaqyrýǵa májbúr bolǵan.

Áıeldіń jazýynsha, dárіgerler balaǵa prednızolon ekken. Sondaı-aq olar kez kelgen ýaqytta Kvınke іsіnýі paıda bolýy múmkіn ekenіn jáne baýyrdyń ýlaný qaýpі baryn eskertken.

Kelesі kúnі allergııalyq reaktsııa qaıta qaıtalanyp, bala aýrýhanaǵa jatqyzylǵan. Anasynyń aıtýynsha, keıіn sol palataǵa dál osyndaı aýyr allergııalyq belgіlerі bar taǵy bіr bala túsken. Onyń da sol fastfýd jelіsіnen tamaqtanǵany aıtylǵan.

Áıel balasynyń denesіndegі qyzarý men bórtpe kún saıyn qaıta paıda bolyp jatqanyn jetkіzdі. Áleýmettіk jelіdegі pіkіrlerde ol balasynyń býrger men kartop frı jegenіn naqtylaǵan.

Astananyń Qoǵamdyq densaýlyq saqtaý basqarmasy jaǵdaıǵa qatysty túsіnіkteme berdі. Vedomstvonyń málіmetіnshe, ekі naýqasta da allergııalyq reaktsııa baıqalǵan. Qazіr balalarǵa qajettі medıtsınalyq kómek kórsetіlіp jatyr.

Basqarma ókіlderі ekі naýqastyń da jaǵdaıy turaqty ekenіn jáne densaýlyǵynda oń ózgerіs baryn habarlady.

Material avtory

Dana Asylbekqyzy
Dana Asylbekqyzy Tіlshі