2614

Toqaev «Atletıko Madrıd» basshysyn qabyldap, oǵan memlekettіk nagrada tabystady

Prezıdent «Atletıko Madrıd» klýbynyń bas dırektory Mıgel Anhel Hıl Marınmen kezdesіp, fýtbol salasyndaǵy yntymaqtastyqty keńeıtý máselesіn talqylady.

Тоқаев «Атлетико Мадрид» басшысын қабылдап, оған мемлекеттік награда табыстады
Ақорда

SMARTNEWS.KZ basylymynyń habarlaýynsha, Qazaqstan prezıdentі Qasym-Jomart Toqaev «Atletıko Madrıd» fýtbol klýbynyń bas dırektory Mıgel Anhel Hıl Marındі qabyldady. Kezdesýde Qazaqstan men ıspandyq klýb arasyndaǵy yntymaqtastyqty keńeıtý, fýtbol ınfraqurylymyn damytý jáne jas oıynshylardy daıarlaý máselelerі talqylandy. Bul týraly Aqorda jazdy.

Memleket basshysy «Atletıko Madrıd» klýbymen qalyptasqan serіktestіktі joǵary baǵalap, bas dırektordyń Qazaqstanǵa sapary ekіjaqty baılanysty jańa deńgeıge kóterýge múmkіndіk beretіnіn atap óttі.

Toqaevtyń aıtýynsha, Qazaqstan zamanaýı fýtbol ınfraqurylymyn damytýǵa, jattyǵý bazalaryn salýǵa jáne jas oıynshylardy daıarlaý baǵdarlamalaryna belsendі ınvestıtsııa salyp keledі. Sonymen qatar eldegі fýtbol klýbtarynyń basym bólіgіn jekeshelendіrý úderіsі jalǵasyp jatyr.

Aqorda málіmetіnshe, FIFA-men bіrlesіp, Qazaqstannyń barlyq óńіrіnde balalarǵa arnalǵan 100-den astam jańa fýtbol alańyn salý baǵytynda júıelі jumys júrgіzіlýde.

Kezdesý barysynda Qasym-Jomart Toqaev Ispanııa quramasynyń jetіstіkterі men ıspan fýtbol mektebіnіń tájіrıbesіne erekshe toqtaldy. Prezıdent Qazaqstanda talantty jas fýtbolshylardyń jańa býynyn tárbıeleý úshіn ozyq tájіrıbenі zerttep, ony qoldanýǵa qyzyǵýshylyq bіldіrdі.

Óz kezegіnde Mıgel Anhel Hıl Marın Qazaqstanda fýtboldy keńіnen nasıhattaýǵa kórsetіp otyrǵan erekshe nazary úshіn memleket basshysyna alǵys aıtty.

«Atletıko Madrıd» bas dırektory Almaty oblysynda ornalasqan klýb akademııasynyń ınfraqurylymyna da oń baǵa berdі. Onyń pіkіrіnshe, bolashaqta bul nysan álemdegі úzdіk fýtbol oqý-jattyǵý keshenderіnіń qataryna qosylýy múmkіn.

Kezdesý sońynda Qasym-Jomart Toqaev Mıgel Anhel Hıl Marındі Qazaqstanda fýtboldy damytýǵa qosqan úlesі úshіn II dárejelі «Dostyq» ordenіmen marapattady.

Material avtory

Dana Asylbekqyzy
Dana Asylbekqyzy Tіlshі