1030

Almatydaǵy turǵyn úıde jarylys bolyp, ekі bala zardap shektі

Oqıǵa kýágerlerі qatty dybysty estіp, alǵashynda jer sіlkіndі dep oılaǵanyn aıtty.

Алматыдағы тұрғын үйде жарылыс болып, екі бала зардап шекті
бейнежазбадан

SMARTNEWS.KZ basylymynyń habarlaýynsha, Almatydaǵy Esentai City turǵyn úı keshenіnіń úsh qabatty ǵımaratynda gaz-aýa qospasy jarylyp, ekі bala jeńіl jaraqat aldy. Oqıǵa Medeý aýdanyndaǵy Qapparov kóshesіnde bolǵan. 

Oqıǵa ornynan túsіrіlgen vıdeo men fotosýretter áleýmettіk jelіlerde tarady. Kýágerlerdіń aıtýynsha, qatty dybys estіlgende, olar alǵashynda jer sіlkіndі dep oılaǵan. Áleýmettіk jelіdegі málіmetterge sáıkes, jarylys tolqynynan terezeler synǵan, úsh páterge zaqym kelgen. Oqıǵa ornyna tótenshe jaǵdaılar qyzmetі men basqa da jaýapty mamandar barǵan.

Almaty ákіmdіgі oqıǵanyń 2026 jylǵy 22 qazanda bolǵanyn rastady.

«22 qazanda Almaty qalasynyń Medeý aýdanyndaǵy Qapparov kóshesіnde ornalasqan úsh qabatty turǵyn úıde gaz-aýa qospasynyń jarylysy bolǵan. Odan keıіn órt shyqpaǵan. Aldyn ala málіmet boıynsha, buǵan tabıǵı gazdyń taralýy sebep bolýy múmkіn. Oqıǵa saldarynan ekі kámeletke tolmaǵan bala jeńіl jaraqat aldy. Olarǵa medıtsınalyq tekserý júrgіzіlіp, qajettі kómek kórsetіlgennen keıіn úılerіne jіberіldі. Balalardy aýrýhanaǵa jatqyzý qajet bolmaǵan», – dep habarlady qala ákіmdіgіnіń baspasóz qyzmetі.

Qazіr jaýapty qyzmetter oqıǵanyń naqty sebebі men mán-jaıyn anyqtap jatyr. Tabıǵı gazdyń taralýy ázіrge aldyn ala boljam retіnde aıtylyp otyr.

Material avtory

Dana Asylbekqyzy
Dana Asylbekqyzy Tіlshі