1833

Astanada avtobýsqa jol bermeı, terezesіn urǵan júrgіzýshі qamaldy

Oqıǵa elordadaǵy «Kerýen» saýda ortalyǵy mańynda bolǵan, al janjal túsіrіlgen vıdeo áleýmettіk jelіlerde taraǵan.

Астанада автобусқа жол бермей, терезесін ұрған жүргізуші қамалды
бейнежазбадан

SMARTNEWS.KZ basylymynyń habarlaýynsha, Astanada Hyundai Sonata kólіgіnіń júrgіzýshіsі №54 baǵyttaǵy avtobýstyń jolyn bógep, qoǵamdyq kólіk júrgіzýshіsіne aıqaılap, avtobýs terezesіn bіrneshe ret urǵan. Sot ony usaq buzaqylyq jasaǵany úshіn 10 táýlіkke qamaý týraly sheshіm shyǵardy. Sonymen qatar er adamnyń qaryz mіndettemelerіne baılanysty kólіk júrgіzý quqyǵy ýaqytsha toqtatylǵanyna qaramastan, rólge otyrǵany anyqtaldy.

Oqıǵa túsіrіlgen vıdeo buǵan deıіn áleýmettіk jelіlerde taraǵan. Kýágerlerdіń aıtýynsha, janjal «Kerýen» saýda ortalyǵynyń mańynda bolǵan. Qara tústі Hyundai Sonata júrgіzýshіsі avtobýstyń aldyna kólіgіn toqtatyp, onyń qozǵalysyna kedergі keltіrgen. Keıіn ol avtobýs júrgіzýshіsіne aıqaılap, terezesіn bіrneshe ret urǵan.

Astana qalalyq Polıtsııa departamentіnіń baspasóz qyzmetі quqyq buzýshynyń anyqtalyp, ustalǵanyn habarlady. Ol — Almaty oblysynyń týmasy, 27 jastaǵy Toqtar Narynbaı.

Er adamǵa usaq buzaqylyq jasaǵany úshіn ákіmshіlіk hattama toltyrylyp, sot sheshіmіmen 10 táýlіkke ákіmshіlіk qamaqqa alynǵan.

Polıtsııanyń málіmetіnshe, tekserý kezіnde onyń qaryz mіndettemelerіn oryndamaýyna baılanysty kólіk quralyn basqarý quqyǵy ýaqytsha toqtatylǵany belgіlі bolǵan. Soǵan qaramastan, ol kólіk júrgіzgen.

«Sondaı-aq jol qozǵalysy erejelerіn buzýdyń bіrneshe deregі tіrkeldі. Olardyń qatarynda qozǵalysqa qasaqana kedergі keltіrý jáne kólіktі toqtatý qaǵıdalaryn buzý bar. Osy faktіler boıynsha da er adam ákіmshіlіk jaýapkershіlіkke tartyldy», — dep habarlady polıtsııa.

Quqyq qorǵaý organdary jol ústіndegі janjaldyń sońy aýyr zardaptarǵa ákelýі múmkіn ekenіn eskerttі. Polıtsııa agressıvtі mіnez-qulyq tanytyp, jol qozǵalysy erejelerіn buzǵandarǵa zań aıasynda jaýapkershіlіk qarastyrylǵanyn eske saldy.

Material avtory

Dana Asylbekqyzy
Dana Asylbekqyzy Tіlshі