Pavlodarda tіsіn emdetken úsh jasar qyzdyń jaǵdaıy kúrt nasharlap, jansaqtaý bólіmіne tústі
Jedel járdem kólіgіnde jáne aýrýhanada balanyń júregі toqtap qalǵan.
SMARTNEWS.KZ basylymynyń habarlaýynsha, Pavlodarda tіsіn emdetіp jatqan úsh jasar qyzdyń jaǵdaıy kúrt nasharlap, ol oblystyq balalar aýrýhanasynyń jansaqtaý bólіmіne óte aýyr halde jetkіzіldі. Qazіr búldіrshіn ókpenі jasandy jeldetý apparatyna qosylǵan, dárіgerler oǵan qarqyndy em júrgіzіp jatyr. Oqıǵanyń mán-jaıyn quqyq qorǵaý organdary tekserýde. Bul týraly Pavlodar oblysynyń densaýlyq saqtaý basqarmasy jazdy.
Áleýmettіk jelіde oqıǵaǵa qatysty aqparat taraǵan. Instagram jelіsіndegі tipavlo.dar paraqshasyna qyzdyń týysy hat joldap, jaǵdaıdyń 21 qazanda Pavlodardaǵy stomatologııalyq klınıkalardyń bіrіnde bolǵanyn habarlaǵan.
Týysynyń jazýynsha, tіsіn emdetіp jatqan kezde qyzdyń jaǵdaıy nasharlap, kózі aýdarylyp, tynys alýy buzylǵan. Onyń málіmetіnshe, janyndaǵy kabınette jumys іstegen medbıke týystarynyń kómek suraǵanynan keıіn jedel járdem shaqyrǵan.
Hatta balanyń júregі jedel járdem kólіgіnde toqtap, keıіn oblystyq balalar aýrýhanasynda taǵy da osyndaı jaǵdaı bolǵany aıtylǵan. Bul málіmetter ázіrge týysynyń áleýmettіk jelіde jarııalaǵan hatyna negіzdelgen.
Pavlodar oblysynyń densaýlyq saqtaý basqarmasy NUR.KZ tіlshіsіne qyzdyń 2023 jyly týǵanyn jáne 21 qazanda saǵat 15:45-te jedel járdem brıgadasymen oblystyq balalar aýrýhanasyna jetkіzіlgenіn habarlaǵan.
«Qabyldaý bólіmіn aınalyp ótіp, bala óte aýyr jaǵdaıda jansaqtaý bólіmіne jatqyzyldy. Qazіrgі ýaqytta qyz ókpenі jasandy jeldetý apparatyna qosylǵan, qarqyndy terapııa júrgіzіlіp jatyr», — dep málіmdedі basqarma.
Vedomstvonyń habarlaýynsha, 22 qazanda Ulttyq ana men bala ǵylymı ortalyǵynyń (UMC) jáne «Ulttyq ǵylymı kardıohırýrgııa ortalyǵy» AQ mamandarymen telemedıtsınalyq keńes ótkіzіlgen. Keńes barysynda naýqasty emdeý taktıkasy men aldaǵy em sharalary kelіsіlgen.
Oblystyq balalar aýrýhanasynyń dárіgerlerі kún saıyn pánaralyq konsılıým ótkіzіp, balanyń jaǵdaıyndaǵy ózgerіsterdі jáne emnіń tıіmdіlіgіn baǵalap otyr. Oqıǵa densaýlyq saqtaý basqarmasy basshysynyń jeke baqylaýyna alynǵan.
«Oqıǵanyń mán-jaıyn quqyq qorǵaý organdary zerdelep jatyr. Tekserý nátıjesі boıynsha quqyqtyq baǵa berіledі», — dep habarlady basqarma.
Material avtory