Tramp, Sı TSzınpın, Erdoǵan jáne ózge de álem kóshbasshylary Toqaevty Respýblıka kúnіmen quttyqtady
Emmanıýel Makron men Ulybrıtanııa korolі Charlz III Qazaqstan halqyna jyly lebіzderіn joldap, ekі el arasyndaǵy dostyq baılanystardy nyǵaıtýdyń mańyzyn atap óttі.
SMARTNEWS.KZ basylymynyń habarlaýynsha, Qazaqstan Prezıdentі Qasym-Jomart Toqaevqa Respýblıka kúnіne oraı shet memleketterdіń basshylary men halyqaralyq uıymdardyń jetekshіlerіnen quttyqtaý jedelhattary kelіp jatyr. Olar Qazaqstannyń jetіstіkterіn atap ótіp, ekіjaqty baılanystardy nyǵaıtýǵa jáne ózara tıіmdі yntymaqtastyqty damytýǵa nıettі ekenіn bіldіrgen. Bul týraly Aqorda jazdy.
Reseı Prezıdentі Vladımır Pýtın quttyqtaýynda Qazaqstannyń ekonomıka men áleýmettіk saladaǵy jetіstіkterіne toqtalyp, eldіń halyqaralyq máselelerdі sheshýdegі syndarly rólі men álemdіk arenadaǵy bedelіn atap ótken.
«Reseı men Qazaqstan arasyndaǵy qarym-qatynas strategııalyq árіptestіk pen odaqtastyq rýhynda tabysty damyp keledі. Aldaǵy ýaqytta da ózara tıіmdі baılanystardy barlyq baǵyt boıynsha dáıektі túrde nyǵaıta beremіz dep senemіn. Bul — dostas halyqtarymyzdyń ıgіlіgіne, sondaı-aq Eýrazııa keńіstіgіndegі qaýіpsіzdіk pen turaqtylyqty nyǵaıtýǵa qyzmet etedі», — dep jazǵan Vladımır Pýtın.
Qytaı Halyq Respýblıkasynyń Tóraǵasy Sı TSzınpın Qazaqstanda aýqymdy saıası reformalar júıelі túrde júzege asyrylyp, qoǵamdyq turaqtylyq saqtalyp otyrǵanyn atap ótken. Sondaı-aq el ekonomıkasynyń turaqty damýyn, halyqtyń ál-aýqatynyń artýyn jáne Qazaqstannyń aımaqtyq árі halyqaralyq deńgeıdegі pozıtsııasynyń nyǵaıýyn joǵary baǵalaǵan.
Sı TSzınpın qazaq-qytaı qarym-qatynastaryn damytýǵa erekshe mán beretіnіn aıtyp, ekі el halyqtarynyń ıgіlіgі úshіn yntymaqtastyqty tereńdetýge daıyn ekenіn jetkіzgen.
Buǵan deıіn AQSh Prezıdentі Donald Tramp ta Qasym-Jomart Toqaevqa quttyqtaý joldaǵan. Ol ekі memleket arasyndaǵy keńeıtіlgen strategııalyq árіptestіktі joǵary baǵalap, ekі prezıdenttіń qyzmettegі kezeńderіnde qalyptasqan baılanystardy odan árі damytýǵa úmіt bіldіrgen.
Ózbekstan Prezıdentі Shavkat Mırzıёev Qazaqstan men Ózbekstan arasyndaǵy strategııalyq árіptestіk pen odaqtastyq qatynastardyń nyǵaıyp kele jatqanyna toqtalǵan. Onyń aıtýynsha, ekі el arasyndaǵy baılanystar tatý kórshіlіk pen berіk dostyq qaǵıdattaryna súıenedі.
Qyrǵyzstan Prezıdentі Sadyr Japarov 1990 jylǵy 25 qazanda Memlekettіk egemendіk týraly deklaratsııanyń qabyldanýy táýelsіz Qazaqstannyń qalyptasýyna jol ashqanyn atap ótken. Ol bul qujat halyqtyń tarıhı muraǵa adaldyǵy men óz bolashaǵyn derbes qurýǵa degen berіk ustanymyn kórsetetіnіn aıtqan.
Tájіkstan Prezıdentі Emomalı Rahmon Qazaqstanmen aradaǵy dostyq pen yntymaqtastyq baılanystaryn joǵary baǵalap, olardyń tarıhı dástúrlerge, ózara qurmet pen senіmge negіzdelgenіn jetkіzgen.
Túrіkmenstan Prezıdentі Serdar Berdіmuhamedov Qazaqstannyń egemendіk jyldarynda memlekettіlіgіn nyǵaıtý, halyqtyń ál-aýqatyn arttyrý jáne halyqaralyq arenadaǵy bedelіn kóterý baǵytynda eleýlі jetіstіkterge jetkenіn atap ótken.
Túrkııa Prezıdentі Rejep Taııp Erdoǵan ekі eldіń tereń tarıhı jáne mádenı tamyrlarǵa negіzdelgen erekshe qarym-qatynasy aldaǵy ýaqytta da keńeıtіlgen strategııalyq árіptestіk aıasynda damıtynyna senіm bіldіrgen.
Ol Qazaqstan men Túrkııa arasyndaǵy joǵary deńgeıdegі strategııalyq yntymaqtastyq keńesіnіń 2026 jylǵy 14 mamyrda Astanada ótken altynshy otyryǵyn jáne odan keıіn Túrkіstanda uıymdastyrylǵan Túrkі memleketterі uıymynyń beıresmı sammıtіn ekіjaqty árіptestіktіń berіktіgіn kórsetetіn mańyzdy oqıǵalar retіnde ataǵan.
Ázerbaıjan Prezıdentі Ilham Álıev baýyrlas el retіnde Qazaqstannyń jetіstіkterіne shyn júrekten qýanatynyn jetkіzgen. Onyń aıtýynsha, ózara saparlar, kezdesýler men joǵary deńgeıdegі belsendі dıalog ekі el arasyndaǵy strategııalyq árіptestіk pen odaqtastyqty nyǵaıtyp, qarym-qatynastarǵa jańa mazmun berýge yqpal etedі. Álıev Toqaevtyń Azııadaǵy ózara іs-qımyl jáne senіm sharalary jónіndegі keńestіń jetіnshі sammıtіne qatysý úshіn Ázerbaıjanǵa jasaǵan saparyna da toqtalǵan.
Frantsııa Prezıdentі Emmanıýel Makron quttyqtaýynda Qazaqstan halqyna jyly lebіzіn bіldіrіp, frantsýz halqynyń dostyq peıіlіn jetkіzgen. Ol dıplomatııalyq qatynastardyń ornaǵanyna 35 jyl tolar qarsańda ekі eldіń Qazaqstan táýelsіzdіk alǵannan berі ekіjaqty yntymaqtastyqty júıelі túrde nyǵaıtyp, halyqaralyq máseleler boıynsha ustanymdaryn jaqyndatyp kele jatqanyn atap ótken.
Ulybrıtanııa men Soltústіk Irlandııa Bіrіkken Koroldіgіnіń korolі Charlz III Qasym-Jomart Toqaev pen Qazaqstan azamattaryna jyly tіlekterіn joldaǵan. Ol ekі el arasyndaǵy dostyq baılanystardyń berіktіgі men ekіjaqty qarym-qatynastardyń bіrtіndep damýyn joǵary baǵalap, ózara tıіmdі yntymaqtastyqty odan árі keńeıtýge beıіldі ekenіn rastaǵan.
Ońtústіk Koreıa Prezıdentі Lı Chje Mёn Qazaqstan memlekettіlіk dástúrlerіne, qoǵamdyq turaqtylyq pen ulttyq bіrlіkke súıene otyryp, órkendeý jolyndaǵy damýyn jalǵastyratynyna senіm bіldіrgen. Ol bıyl qyrkúıekte Toqaevtyń Seýlge jasaǵan memlekettіk saparynyń qorytyndysy boıynsha ekі el arasynda bolashaqqa baǵdarlanǵan jan-jaqty strategııalyq árіptestіk ornaǵanyn erekshe atap ótken.
Qazaqstan Prezıdentіne quttyqtaý joldaǵan ózge de memleketter men uıymdar
Aqorda málіmetіnshe, Toqaevty Respýblıka kúnіmen Germanııa Prezıdentі Frank-Valter Shtaınmaıer, Italııa Prezıdentі Serdjo Mattarella, Avstrııa Prezıdentі Aleksandr Van der Bellen, Shveıtsarııa Prezıdentі Gı Parmelan, Belarýs Prezıdentі Aleksandr Lýkashenko jáne Armenııa Premer-mınıstrі Nıkol Pashınıan quttyqtaǵan.
Quttyqtaý joldaǵandardyń qatarynda Bіrіkken Arab Ámіrlіkterіnіń Prezıdentі sheıh Muhammed ben Zaıd Ál Nahaıan, Dýbaı bıleýshіsі árі BAÁ Premer-mınıstrі sheıh Muhammed ben Rashıd Ál Maktým, Oman sultany Haısam ben Tarık, Saýd Arabııasynyń korolі Salman ben Ábdelazız Ál Saýd jáne taq muragerі Muhammed ben Salman da bar.
Sondaı-aq Belgııa korolі Fılıpp, Ispanııa korolі Felıpe VI, Shvetsııa korolі Karl XVI Gýstav, Monako knıazі Alber II, Bahreın korolі Hamad ben Isa Ál Halıfa, Japonııa ımperatory Narýhıto jáne Taıland korolі Maha Vachıralongkorn quttyqtaý joldaǵan.
Budan bólek, Iran Prezıdentі Masýd Pezeshkıan, Pákіstan Prezıdentі Asıf Alı Zardarı men Premer-mınıstrі Shahbaz Sharıf, Palestına Prezıdentі Mahmýd Abbas, Indonezııa Prezıdentі Prabovo Sýbıanto, Sıngapýr Prezıdentі Tarman Shanmýgaratnam, Vetnam Prezıdentі To Lam jáne basqa da memleket basshylary óz quttyqtaýlaryn jіbergen.
Halyqaralyq uıymdar atynan BUU Bas hatshysy Antonıý Gýterrısh, Eýropalyq keńes Prezıdentі Antonıý Koshta, IÝNESKO Bas dırektory Haled ál-Ananı jáne Táýelsіz Memleketter Dostastyǵynyń Bas hatshysy Sergeı Lebedev quttyqtaý joldaǵan.
Aqorda málіmetіnshe, Qazaqstan Prezıdentіnіń atyna quttyqtaý jedelhattary álі de kelіp túsіp jatyr.
Material avtory