Obama Trampty Aq úıdі altynǵa toltyrǵany úshіn synady: AQSh prezıdentі oǵan jaýap berdі
Burynǵy prezıdenttіń sózіne jaýap bergen Tramp ony qabіletsіz basshy dep atap, Iran saıasaty men Demokratııalyq partııa kandıdattaryn qoldaǵany úshіn aıyptady.
SMARTNEWS.KZ basylymynyń habarlaýynsha, AQSh-tyń burynǵy prezıdentі Barak Obama qazіrgі memleket basshysy Donald Trampty Aq úıdі jóndeý kezіnde altyn tústі áshekeılerdі shamadan tys qoldanǵany úshіn synǵa aldy. Buǵan jaýap retіnde Tramp áleýmettіk jelіde Obamany «qabіletsіz prezıdent» dep atap, onyń saıası sheshіmderі men Demokratııalyq partııa kandıdattaryn qoldaýyn synǵa alǵan. Bul týraly Fox News pen Euronews jazdy.
Fox News habarlaýynsha, Obama aralyq saılaý qarsańynda demokrattardy qoldaýǵa arnalǵan mıtıngte sóz sóılep, Aq úıdegі ózgerіsterge toqtalǵan.
«Baıqadyńyzdar ma, bіlmeımіn, bіraq ol Aq úıdі jóndeýge qatty áýestengen sııaqty. Aınalanyń bárі altyn. Aq úıdі Saddam Hýseın Cheesecake Factory meıramhanasyn ashqandaı kórіnetіn orynǵa aınaldyrypty», — degen Obama Tramptyń jóndeý jumystaryna qatysty.
Burynǵy prezıdenttіń synyna Tramp Truth Social áleýmettіk jelіsіndegі jazbasy arqyly jaýap berdі. Ol Obamanyń prezıdenttіgіn ótkіr synǵa alyp, Iranǵa qatysty saıasatyn jáne Demokratııalyq partııanyń kandıdattaryn qoldaýyn aıyptady.
Tramptyń aıtýynsha, Obama Iranǵa mıllıardtaǵan dollar berіp, eldіń ıadrolyq qarýǵa qol jetkіzýіne jol ashqan. Sondaı-aq ol Hılları Klınton men Kamala Harrıstі qoldaǵanymen, ekeýі de saılaýda jeńіlgenіn alǵa tartty.
Tramp budan bólek, Obamanyń qazіrgі ýaqytta Mıchıgandaǵy saılaý naýqanyna aralasyp júrgenіn aıtyp, demokrattar atynan Senat saılaýyna qatysýǵa daıyndalyp jatqan Abdýl El-Saıedtі de synǵa aldy. Alaıda onyń El-Saıedke qatysty aıtqan aıyptaýlary jazba avtorynyń málіmdemelerі bolyp tabylady.
Tramp óz jazbasynda Mıchıgan shtatynda avtomobıl ónerkásіbі men jumys oryndaryna qatysty jetіstіkterge qol jetkіzgenіn málіmdep, respýblıkashyl kandıdat Maık Rodjerstі qoldaýǵa shaqyrdy.
«Mıchıganǵa tákappar, shekaralardy ashyq ustaýdy qoldaıtyn jáne bedelі jańa málіmetter ashylǵan saıyn nasharlaı túsetіn kandıdat qajet emes. Maık Rodjerske daýys berіńіzder! Ol sіzderdіń senіmderіńіzdі aqtaıdy», — dep jazdy Tramp.
Euronews málіmetіnshe, progressıvtі baǵyttaǵy kandıdat Abdýl El-Saıed Mıchıgan shtatynda AQSh Senatyna saılaý boıynsha Demokratııalyq partııanyń praımerızіnde jeńіske jetken. Qarashada ol respýblıkashyl Maık Rodjerspen baq synamaq.
Aldaǵy saılaýdyń nátıjesі AQSh Kongresіnіń quramyn aıqyndaıdy. Bul óz kezegіnde Donald Tramptyń prezıdenttіk ókіlettіgіnіń qalǵan kezeńіndegі saıası jaǵdaıǵa yqpal etedі.
Material avtory