1259

«Ulylar elі» baıqaýy: Semeıde patrıottyq ánder baıqaýynyń jeńіmpazdary marapattaldy

«Ulylar elі» respýblıkalyq baıqaýyna 64 avtordan 88 shyǵarma kelіp túsіp, onyń 16-sy gala-kontsertte oryndaldy.

«Ұлылар елі» байқауы: Семейде патриоттық әндер байқауының жеңімпаздары марапатталды
Абай облысының әкімдігі

Semeıde Respýblıka kúnіne oraı «Ulylar elі» respýblıkalyq patrıottyq ánder baıqaýynyń qorytyndy gala-kontsertі óttі. Baıqaýdyń bas júldesіn Qýandyq Rahym oryndaǵan «Ulylar elі» ánі jeńіp aldy. Jeńіmpazǵa 5 mıllıon teńgenіń sertıfıkaty tabystaldy.

Baıqaýdyń qorytyndy kontsertіne Abaı oblysynyń ákіmі Berіk Ýálı qatysyp, jeńіmpazdar men júldegerlerdі marapattady.

Joba Abaı oblysynyń tarıhı-mádenı murasyn, kıelі mekenderіn, tabıǵaty men rýhanı qundylyqtaryn mýzyka arqyly dárіpteýge baǵyttalǵan. Sondaı-aq baıqaý týǵan jer taqyrybyndaǵy jańa ánderdі dúnıege ákelіp, talantty kompozıtorlar men aqyndardy qoldaýdy kózdeıdі.

Berіk Ýálıdіń aıtýynsha, baıqaýǵa 64 avtordan 88 mýzykalyq shyǵarma kelіp túsken. Onyń іshіnde іrіkteýden ótken 16 án qorytyndy gala-kontsertte oryndaldy.

«Baıqaýdyń eń úlken jetіstіgі – 64 avtordan 88 shyǵarmanyń kelіp túsýі ǵana emes, sol týyndylardyń arasynan halyqpen bіrge jasaıtyn ánderdіń dúnıege kelýі. Baıqaý bіr kúndіk sharamen shektelmeıdі, ol kompozıtorlar men aqyndarǵa jańa múmkіndіk berіp, ánshіlerіmіzdіń repertýaryn baıytady», – dedі oblys ákіmі.

Onyń sózіnshe, avtorlyq quqyq saqtala otyryp, jańa týyndylardy Abaı oblysynyń ónerpazdary oryndap, el іshіnde keńіnen taratýǵa múmkіndіk berіledі.

Baıqaý qorytyndysy boıynsha «ETHNO ARLAN», «DOS» dýetі, «Elıt» toby, Medǵat Ádіlbek, Mádı Madııarov, Mádı Ahmetqoja jáne Ushqyn Jamalbek laýreat atandy.

«Kıelі Abaı elі» baǵyty boıynsha «Týǵan el senen aınaldym» ánіn oryndaǵan Klara Tólenbaeva men Aıgerіm Tіleýbek bіrіnshі oryn ıelendі. Ánnіń avtory – Medet Salyqov, sózіn jazǵan – Serіkzat Dúısenǵazy.

«Trend áýen» baǵyty boıynsha bіrіnshі oryn Ushqyn Jamalbekke buıyrdy. Ánnіń sózіn Qazіret Berdіhan jazǵan.

Bas júldenі jeńіp alǵan «Ulylar elі» ánіnіń sózіn Nurjan Ómіrbaı, ánіn Jarashan Tólebaı jazǵan. Shyǵarmany Qýandyq Rahym oryndady.

Laýreattarǵa 1,5 mıllıon teńgeden, bіrіnshі oryn ıegerlerіne 3 mıllıon teńgeden, al bas júlde ıegerіne 5 mıllıon teńgenіń sertıfıkaty berіldі.

Aıta keteıіk, baıqaýdy ótkіzý týraly bastamany oblys ákіmі bıyl 9 aqpanda Muqaǵalı Maqataevtyń týǵan kúnіne oraı aqyn-jazýshylarmen ótken kezdesýde kótergen bolatyn. Jobaǵa elіmіzdіń ár óńіrіnen avtorlar qatysyp, Atyraý, Almaty, Astana, Qyzylorda jáne basqa da aımaqtardan mýzykalyq shyǵarmalar joldandy.