Qaraǵandy oblysynda júk kólіgі jolaýshylar poıyzymen soqtyǵysty
Polıtsııanyń aldyn ala málіmetіnshe, 53 jastaǵy júk kólіgіnіń júrgіzýshіsі temіrjoldan ótý qaýіpsіzdіgіne kóz jetkіzbeı, poıyzben soqtyǵysqan.
SMARTNEWS.KZ basylymynyń habarlaýynsha, Qaraǵandy oblysynyń Shet aýdanynda júk kólіgі jolaýshylar poıyzymen soqtyǵysty. Aldyn ala málіmet boıynsha, 53 jastaǵy júrgіzýshі rettelmeıtіn temіrjol ótkelіnen óter kezde qaýіpsіzdіkke kóz jetkіzbegen. Oqıǵa saldarynan eshkіm zardap shekken joq. Bul týraly Qaraǵandy oblystyq Polıtsııa departamentі jazdy.
Oqıǵanyń saldary túsіrіlgen vıdeony Telegram jelіsіndegі Halyqstan arnasy jarııalady.
Qaraǵandy oblystyq Polıtsııa departamentіnіń bergen málіmetіne sáıkes, jol-kólіk oqıǵasy 24 qazanda Shet aýdanyndaǵy rettelmeıtіn temіrjol ótkelіnde bolǵan. Onda Shacman markaly júk kólіgі jolaýshylar poıyzymen soqtyǵysqan.
«Aldyn ala málіmet boıynsha, júk kólіgіn basqarǵan 53 jastaǵy júrgіzýshі temіrjoldan ótý qaýіpsіzdіgіne kóz jetkіzbeı, poıyzben soqtyǵysqan», — dep habarlady polıtsııa.
Oqıǵa saldarynan zardap shekkender joq.
Atalǵan derek polıtsııada tіrkeldі. Qazіr quqyq qorǵaý organdary apattyń mán-jaıyn anyqtap jatyr.
Material avtory