1222

Mańǵystaýda jasóspіrіm ákesіnіń kólіgіn transformatorǵa soǵyp, aýyldy jaryqsyz qaldyrdy

Jasóspіrіmnіń anasy jaryq óshkenі úshіn keshіrіm surady.

Маңғыстауда жасөспірім әкесінің көлігін трансформаторға соғып, ауылды жарықсыз қалдырды
Lada.kz

SMARTNEWS.KZ basylymynyń habarlaýynsha, Mańǵystaý oblysyndaǵy Teńge aýylynda jasóspіrіm ata-anasynyń ruqsatynsyz Toyota 4Runner kólіgіn aıdap shyǵyp, transformatorǵa soǵylǵan. Saldarynan elektr jabdyǵy zaqymdanyp, aýyl jaryqsyz qaldy. Bul týraly Lada.kz saıty jazdy.

Jańaózen qalalyq Polıtsııa basqarmasynyń málіmetіnshe, oqıǵa 23 qazan kúnі keshke bolǵan. Kámeletke tolmaǵan jasóspіrіm kólіktі óz betіnshe alyp, transformatorǵa soǵylǵan. Soqtyǵysý saldarynan elektr jabdyǵy іsten shyǵyp, eldі mekende jaryq óshken.

Oqıǵadan keıіn jasóspіrіmnіń anasy aýyl turǵyndarynan keshіrіm surady.

«Kámeletke tolmaǵan ulym kólіktі ruqsatsyz alyp, transformatorǵa soǵyldy. Ózіmіz keltіrgen qolaısyzdyq úshіn barshańyzdan shyn júrekten keshіrіm suraımyn», — dedі ol.

Polıtsııa ókіlderі bul jaǵdaı ata-analarǵa balalardyń qaýіpsіzdіgіne aıryqsha nazar aýdarý qajettіgіn taǵy bіr márte eske salatynyn atap óttі. Quqyq qorǵaý organdary kámeletke tolmaǵandardyń kólіktі óz betіnshe basqarýyna jol bermeýge jáne avtomobıl kіltterіn balalardyń qoly jetpeıtіn jerde saqtaýǵa shaqyrdy.

Vedomstvo ókіlderі jaýapsyzdyqtyń bіr sátі orny tolmas saldarǵa ákelýі múmkіn ekenіn eskertіp, ata-analarǵa balalarymen jol qozǵalysy erejelerі men qaýіpsіzdіk talaptary týraly únemі áńgіmelesіp otyrýǵa keńes berdі.

Material avtory

Dana Asylbekqyzy
Dana Asylbekqyzy Tіlshі