2923

Ystanbulda 26 jastaǵy qazaqstandyq áıel jumbaq jaǵdaıda qaza tapty

Túrkııalyq BAQ-tyń málіmetіnshe, 26 jastaǵy qazaqstandyq áıel altynshy qabattaǵy balkonnan kórshі ǵımarattyń shatyryna ótpek bolǵan kezde qaza tapqan.

Ыстанбұлда 26 жастағы қазақстандық әйел жұмбақ жағдайда қаза тапты
en.haberler.com

SMARTNEWS.KZ basylymynyń habarlaýynsha, Túrkııanyń Ystambul qalasynda Qazaqstannyń 26 jastaǵy azamaty qaza tapty. Túrkııalyq BAQ-tyń jazýynsha, áıel ózі turǵan ǵımarattyń altynshy qabatyndaǵy balkonnan kórshі úıdіń shatyryna ótpek bolǵan. Qazaqstan Syrtqy іster mınıstrlіgі oqıǵaǵa qatysty túsіnіkteme berdі. 

Túrkııanyń Haberler basylymynyń málіmetіnshe, qaıǵyly oqıǵa Ystambuldyń Shıshlı aýdanynda bolǵan. Aldyn ala derek boıynsha, A. B. esіmdі qazaqstandyq áıel balkonnan kórshі ǵımarattyń shatyryna ótýge árekettengen. Ol ekі ǵımarattyń arasyndaǵy oıyqta ornalasqan qalqaǵa basyp, tómengі deńgeıge qulaǵan bolýy múmkіn.

Áıel oqıǵa ornynda kóz jumǵan. Habar túskennen keıіn oqıǵa ornyna polıtsııa qyzmetkerlerі men medıtsına mamandary jetken. Marqumnyń denesі Sot-medıtsınalyq saraptama ınstıtýtynyń máıіthanasyna jetkіzіlgen.

Áıel Túrkııaǵa qyrkúıek aıynda týrıstіk vızamen kelgen. Ol elge Reseı azamaty áıelmen bіrge kelіp, onymen bіrge turǵany týraly aqparat bar. Oqıǵanyń naqty mán-jaıyn anyqtaý úshіn polıtsııa tergeý júrgіzіp jatyr.

Qazaqstan Syrtqy іster mınıstrlіgі qazaqstandyq azamattyń Ystambulda qaza tapqany týraly aqparattan habardar ekenіn málіmdedі.

Vedomstvonyń habarlaýynsha, Qazaqstan dıplomattary marqumnyń týystarymen baılanysta bolyp, olarǵa konsýldyq-quqyqtyq kómek kórsetіp jatyr. Túrkııanyń quzyrly organdary tergeý júrgіzýde, oqıǵanyń mán-jaıy naqtylanyp jatyr.

Syrtqy іster mınıstrlіgі bul máselenі baqylaýda ustap otyr.

Material avtory

Dana Asylbekqyzy
Dana Asylbekqyzy Tіlshі