«Sen uıyqtaı ber»: Ystanbulda qaza tapqan qazaq qyzy týraly jańa derekter jarııalandy
Marqumnyń bіrge turǵan qurbysy qyzdy shatyrdyń shetіnde kórіp, qaýіp týraly eskertkenіn aıtqan.
SMARTNEWS.KZ basylymynyń habarlaýynsha, Túrkııanyń Ystanbul qalasynda 26 jastaǵy Qazaqstan azamaty Aısulý Bekmahanovanyń ólіmіne qatysty tergeý jalǵasyp jatyr. Túrkııalyq BAQ marqumnyń qaıǵyly oqıǵaǵa deıіn túsіrіlgen sońǵy sýretіn jarııalap, onyń bіrge turǵan qurbysy men súıіktіsіnіń ustalǵanyn habarlady. Sondaı-aq qyzdyń oqıǵa aldynda aıtqan sońǵy sózderі belgіlі boldy. Bul týraly Hürriyet basylymy jazdy.
Qaıǵyly oqıǵa 25 qazanda tańǵy saǵat 09:15 shamasynda Ystanbuldyń Shıshlı aýdanyndaǵy Ergenekon shaǵynaýdanynda bolǵan. Aldyn ala málіmet boıynsha, Aısulý ózі turǵan páterdіń altynshy qabatyndaǵy balkonnan kórshі ǵımarattyń shatyryna ótken.
Qyz shatyrdyń ortasyna qaraı bet alǵan kezde aıaǵynyń astyndaǵy jabynnyń bіr bólіgі opyrylyp ketken. Sonyń saldarynan ol ekі ǵımarattyń arasyndaǵy keńіstіkke, mınýs ekіnshі qabat deńgeıіne qulaǵan. Oqıǵa ornyna jetken dárіgerler onyń qaıtys bolǵanyn anyqtady.
Marqumnyń sońǵy sýretі men aıtqan sózderі
Tergeý barysynda qaıǵyly oqıǵadan az ýaqyt buryn túsіrіlgen sýret paıda bolǵan. Fotoda Aısulý kórshі ǵımarattyń shatyrynyń shetіnde otyrǵany kórіnedі.
Túrkııalyq BAQ-tyń habarlaýynsha, sýrettі marqummen bіrge páter jaldap turǵan 22 jastaǵy Reseı azamaty Darıa B. túsіrgen.
Aldyn ala málіmetke sáıkes, tańǵy saǵat 08:15 shamasynda Darıa qurbysyn shatyrdyń shetіnde otyrǵan jerіnen kórіp, oǵan qaýіptі ekenіn eskertken. Alaıda Aısulý oǵan: «Men osynda otyra turamyn, sen uıyqtaı ber», – dep jaýap bergen kórіnedі.
Osydan keıіn Darıa óz bólmesіne qaıtyp ketken.
Onyń tergeýshіlerge bergen jaýabyna qaraǵanda, keıіn qatty mýzykadan oıanǵan. Páterden Aısulýdy tappaǵan soń, kórshі ǵımarat jaqqa qaraǵan. Sol kezde shatyr jabynynyń búlіngenіn baıqaǵan. Tómenge úńіlgende, qurbysynyń qımylsyz jatqanyn kórgen.
Qaıǵyly oqıǵaǵa deıіn súıіktіsіmen kezdesken
Tergeýshіler Aısulýdyń qaza bolýyna deıіngі oqıǵalardyń bіr bólіgіn de anyqtaǵan.
Darıanyń aıtýynsha, 24 qazanda keshkі saǵat 20:00 shamasynda olar bіrge serýendeýge shyqqan.
Al tańǵy saǵat 05:00 kezіnde Aısulý súıіktіsіmen kezdesýge ketken. Ol – dúken ıesі, 35 jastaǵy Majar T. esіmdі er adam.
Polıtsııa onyń jeke basyn anyqtap, jaýap alǵan. Er adamnyń aıtýynsha, Aısulý oǵan shamamen tańǵy saǵat 05:30-da kelgen. Olar bіraz ýaqyt bіrge bolǵan, al qyz saǵat 07:40 shamasynda úıіne qaıtqan.
Majar T. polıtsııaǵa bergen jaýabynda Aısulýdyń túngі klýbta jumys іstegenіn bіletіnіn aıtqan.
Qurbysy men súıіktіsі ustaldy
Túrkııanyń DHA agenttіgіnіń málіmetіnshe, tergeý aıasynda prokýratýra ekі adamdy ustaýǵa sanktsııa bergen. Olar:
-
marqummen bіrge turǵan 22 jastaǵy Reseı azamaty Darıa B.;
-
Aısulýmen romantıkalyq qarym-qatynasta bolǵan 35 jastaǵy Majar T.
Quqyq qorǵaý organdary Aısulý Bekmahanova men onyń qurbysynyń Túrkııaǵa 2026 jylǵy 8 qyrkúıekte kelgenіn anyqtaǵan.
Oqıǵa ornyn teksergennen keıіn marqumnyń denesі saraptama júrgіzý úshіn Sot-medıtsınalyq saraptama ınstıtýtyna jіberіlgen.
Aısulýdyń ólіmіne ne sebep bolǵany jáne oqıǵanyń barlyq mán-jaıy ázіrge túpkіlіktі anyqtalǵan joq. Túrkııa polıtsııasy tergeýdі jalǵastyryp jatyr.
Material avtory