1581

«1000 teńgege bola»: Qyzylordada 14 jastaǵy jasóspіrіm qatarlasynyń qolynan qaza tapty

Týystarynyń málіmetіnshe, 21 qazanda bolǵan janjal kezіnde jasóspіrіmnіń keýde tusyna buraýysh suǵylyp, ol oqıǵa ornynda kóz jumǵan.

«1000 теңгеге бола»: Қызылордада 14 жастағы жасөспірім қатарласының қолынан қаза тапты
threads.com/@kairatkyzy_nurraiym

SMARTNEWS.KZ basylymynyń habarlaýynsha, Qyzylordada 14 jastaǵy jasóspіrіmnіń ólіmіne qatysty qylmystyq іs tergelіp jatyr. Marqumnyń týystarynyń aıtýynsha, qaıǵyly oqıǵaǵa 1000 teńgege baılanysty týyndaǵan janjal sebep bolýy múmkіn. Polıtsııa kámeletke tolmaǵan kúdіktіge qatysty tergeý júrgіzіp, taǵy bіr qylmystyq іs tіrkegen.

Marqumnyń ápkesіnіń Threads áleýmettіk jelіsіndegі jazbasyna sáıkes, oqıǵa 2026 jylǵy 21 qazanda Qyzylordanyń ortalyq alańynda bolǵan. Onyń aıtýynsha, іnіsі men 13 jastaǵy tanysynyń arasynda janjal týyndap, sońy qaıǵyly jaǵdaıǵa ulasqan.

Týysynyń boljamynsha, daýǵa 1000 teńge sebep bolǵan. Janjal kezіnde jasóspіrіmnіń keýde tusyna buraýysh suǵylǵan. Ol alǵan jaraqatynan oqıǵa ornynda kóz jumǵan.

Marqumnyń ápkesі áleýmettіk jelіdegі jazbasynda іnіsіnen aıyrylý otbasy úshіn orny tolmas qaıǵy bolǵanyn aıtyp, oqıǵanyń anasynyń kóz aldynda bolǵanyn jetkіzgen.

Onyń sózіnshe, janjalǵa bіrneshe adam qatysýy múmkіn. Sondyqtan ol іstіń barlyq mán-jaıyn jan-jaqty zerttep, oqıǵaǵa qatysy bar ár adamnyń áreketіne zań aıasynda baǵa berýdі talap etken. Alaıda janjaldyń naqty sebebі men oǵan kіmderdіń qatysqany ázіrge resmı túrde tolyq anyqtalǵan joq.

Polıtsııa ekі qylmystyq іs qozǵady

Qyzylorda oblysynyń polıtsııa departamentі jasóspіrіmnіń ólіmіne qatysty tergeý júrіp jatqanyn málіmdedі.

Atalǵan derek boıynsha «Jábіrlenýshіnіń ólіmіne ákep soqqan densaýlyqqa qasaqana aýyr zııan keltіrý» baby boıynsha qylmystyq іs qozǵalǵan. Polıtsııanyń habarlaýynsha, kámeletke tolmaǵan kúdіktі oblystyq kámeletke tolmaǵandardy beıіmdeý ortalyǵyna ornalastyrylǵan.

Budan bólek, balany tárbıeleý jónіndegі mіndetterdі oryndamaý deregі boıynsha taǵy bіr qylmystyq іs tіrkelgen. Alaıda polıtsııa bul іstіń kіmge qatysty qozǵalǵanyn naqtylamady.

Vedomstvo jasóspіrіmnіń ólіmіne qatysty tergeýdі erekshe baqylaýǵa alǵanyn habarlady. Qazіr quqyq qorǵaý organdary janjaldyń sebepterіn, oqıǵanyń qalaı órbіgenіn jáne qaıǵyly jaǵdaıǵa ákelgen barlyq mán-jaıdy anyqtap jatyr.

Tergeý múddesіne baılanysty ázіrge ózge aqparat jarııalanǵan joq. 

Material avtory

Dana Asylbekqyzy
Dana Asylbekqyzy Tіlshі