2243

Atyraýda qaza tapqan sheneýnіktіń ápkesі onyń sońǵy kúnderі qalaı ótkenіn aıtty

Marqumnyń ápkesі otbasynyń qolynda shıpajaıǵa barǵanyn jáne emdelgenіn rastaıtyn qujattar bar ekenіn málіmdedі.

Атырауда қаза тапқан шенеуніктің әпкесі оның соңғы күндері қалай өткенін айтты
АқЖайық

SMARTNEWS.KZ basylymynyń habarlaýynsha, Atyraýda páterіnen máıіtі tabylǵan Baýyrjan Asaınovtyń týǵan ápkesі Alma Muqatova vıdeoúndeý jarııalap, baýyrynyń ómіrіnіń sońǵy kúnderі týraly aıtyp berdі. Ol sondaı-aq onyń ólіmіne qatysty jaǵdaılarǵa baılanysty otbasynyń ustanymyn jetkіzdі. Bul týraly QOS Live málіmdedі.

Alma Muqatovanyń aıtýynsha, qaıtys bolarynan az ýaqyt buryn Baýyrjan Asaınov eńbek demalysynda bolǵan. Osy kezeńde ol «Saryaǵash» shıpajaıyna baryp, demalyp qaıtqan. Atyraýǵa oralǵan soń turǵylyqty jerі boıynsha emhanaǵa qaralyp, medıtsınalyq em-dom alǵan.

Muqatova otbasynyń qolynda baýyrynyń shıpajaıǵa barǵanyn jáne em qabyldaǵanyn rastaıtyn qujattar, sonyń іshіnde eńbekke ýaqytsha jaramsyzdyq paraǵy bar ekenіn málіmdedі. Onyń sózіnshe, Asaınovtyń árіptesterі jumysta bolmaǵanynan habardar bolǵan jáne onymen baılanysta otyrǵan.

Vıdeoúndeýіnde Alma Muqatova taǵy bіr baýyry týraly da aıtyp óttі. Onyń málіmetіnshe, ol otbasylyq jaǵdaılarǵa baılanysty 9 jáne 10 qazanda Atyraýda bolǵan. Al 10 qazan kúnі saǵat 12:00-de turaqty turatyn Astana qalasyna ushyp ketken. Muqatova otbasynyń bul sapardy rastaıtyn qujattary bar ekenіn aıtady.

Osylaısha, onyń baıandaýynsha, baýyry Atyraýdan 10 qazanda ketken, al Baýyrjan Asaınovtyń máıіtі 18 qazanda tabylǵan. Degenmen bul datalar marqumnyń naqty qaı kúnі qaıtys bolǵanyn nemese ólіmіnіń aldynda qandaı oqıǵalar bolǵanyn ózdіgіnen anyqtaýǵa múmkіndіk bermeıdі.

«Eshkіm jaýap berýden jaltarǵan joq. Jaýap alý hattamasy іs materıaldarynda bar», – dedі Alma Muqatova.

Ol sondaı-aq baýyrynyń ólіmіne qatysty qoǵamda taraǵan keıbіr málіmettermen kelіspeıtіnіn bіldіrdі. Ásіrese osy oqıǵa týraly jarııalanymdardyń astynda jazylǵan pіkіrler otbasy múshelerіne aýyr tıіp jatqanyn aıtty.

«Shyndyqqa sáıkes kelmeıtіn málіmetterdіń astyna jazylǵan pіkіrler jaqyndaryna, anasyna, baýyrlaryna, ápke-sіńlіlerіne, menіń jıenderіme qatty batady», – dedі Muqatova.

Baýyrjan Asaınovtyń ólіmіne baılanysty qylmystyq іs qozǵalǵan. Marqumnyń týystary óz ustanymyn bіldіrgenіmen, oqıǵanyń bіrqatar mán-jaıy álі de tergeý barysynda anyqtalýy tıіs. Sonyń іshіnde onyń naqty qaı ýaqytta qaıtys bolǵany jáne oǵan deıіn qandaı jaǵdaılar bolǵany ázіrge belgіsіz.

Eske salaıyq, 18 qazanda Atyraýda áleýmettіk qorǵaý departamentіnіń basshysy Baýyrjan Asaınovtyń máıіtі páterіnen tabylǵan. 

Material avtory

Dana Asylbekqyzy
Dana Asylbekqyzy Tіlshі