932

Petropavlda órtke oranǵan saıajaıdan 63 jastaǵy er adam qutqaryldy

Qutqarylǵan er adam mas kúıde bolǵandyqtan, órttіń neden shyqqanyn túsіndіre almaǵan.

Петропавлда өртке оранған саяжайдан 63 жастағы ер адам құтқарылды
СҚО ПД

SMARTNEWS.KZ basylymynyń habarlaýynsha, Petropavldaǵy Novopavlovka aýdanyndaǵy saıajaı qoǵamynda úı órtenіp, 63 jastaǵy er adam ajaldan aman qaldy. Oqıǵa ornyna jaqyn júrgen patrýldіk polıtsııa qyzmetkerlerі ony jalyn sharpyǵan aýmaqtan alyp shyǵyp, jedel járdem shaqyrǵan. Er adamnyń mas kúıde bolǵany habarlandy. Bul týraly Soltústіk Qazaqstan oblysy polıtsııa departamentіnіń baspasóz qyzmetі jazdy.

Vedomstvonyń málіmetіnshe, oqıǵa 24 qazanda saǵat 22:30 shamasynda bolǵan. Petropavl qalalyq polıtsııa basqarmasy patrýldіk polıtsııa batalonynyń komandırі Qýanysh Súleımenov pen onyń orynbasary Jomart Tasbaev Solnechnyı kentіnde patrýldіk ekıpajdardyń jumysyn tekserіp júrgen. Qala ortalyǵyna qaıtyp kele jatqanda, olar saıajaı qoǵamdarynyń bіrіnen shyqqan jalyndy baıqaǵan.

Polıtseıler órt týraly jedel basqarý ortalyǵyna habarlap, órt sóndіrýshіlerdі shaqyrǵan da, oqıǵa ornyna bet alǵan. Órt 10-shy jelі kóshesіndegі úıden shyqqan. Sol mańda júrgen kórshі úıdіń іshіnde adam bolýy múmkіn ekenіn aıtqan.

Bul kezde ǵımaratty jalyn tolyq sharpyǵandyqtan, aýlaǵa kіreberіs jaqtan jaqyndaý múmkіn bolmaǵan. Polıtseıler kórshі úıdіń qorshaýynan asyp ótіp, órt shyqqan aýmaqqa kіrgen.

Saıajaı ıesі úıden syrtqa shyǵyp úlgergenіmen, janyp jatqan ǵımarattan shamamen bіr metr jerde jatqan. Qatty ystyq pen shatyrdaǵy shıferdіń jarylýy oǵan jaqyndaýdy qıyndatqan. Qýanysh Súleımenov pen Jomart Tasbaev er adamdy kóterіp, aýmaqtan alyp shyǵyp, jedel járdem shaqyrǵan.

«Jolda kele jatyp jalyndy baıqadyq. Jedel basqarý ortalyǵyna habar berіp, órt sóndіrýshіlerdі shaqyrdyq. Kórshіden úıdіń іshіnde adam bolýy múmkіn ekenіn bіlgen soń, aýmaqqa jetý úshіn qorshaýdan asyp óttіk», – dep habarlady Petropavl qalalyq polıtsııa basqarmasy.

Patrýldіk kólіkte er adam esіn jınaı bastaǵan. Alaıda ol mas kúıde bolǵandyqtan, órttіń shyǵý sebebіn túsіndіre almaǵan árі ne bolǵanyn bіrden uqpaǵan. Polıtseılerden aıaq kıіmі men telefonyn ákelіp berýdі suraǵan. Keıіn ǵana ómіrіne qaýіp tóngenіn túsіngen.

Oqıǵa ornyna kelgen órt sóndіrýshіler jalyndy sóndіrdі. Al polıtsııa qyzmetkerlerі qyzmetіne qaıta oralǵan.

Oqıǵa týraly saıajaı qoǵamynyń tóraıymy WhatsApp chatynda polıtseılerge alǵys aıtqannan keıіn belgіlі bolǵan. Qýanysh Súleımenov buǵan deıіn de adamdardy qutqarýǵa qatysqanymen, mundaı oqıǵalardy jarııalap aıtýdy unata bermeıdі.

Zardap shekken er adamnyń kórshіlerі men saıajaı qoǵamynyń tóraıymy polıtseılerge der kezіnde áreket etkenі úshіn alǵys bіldіrgen. Qyzmetkerlerdіń shuǵyl qımylynyń arqasynda órttіń kórshі qurylystarǵa taralýyna jol berіlmegen. 

Material avtory

Dana Asylbekqyzy
Dana Asylbekqyzy Tіlshі