1380

Sanjar Boqaevtyń sybaılasy kіnásіn moıyndap, sotta jaýap berýge daıyn ekenіn málіmdedі

Sanjar Boqaevtyń jeke mobılografy urlyq, aǵashtardy zańsyz kesý jáne kórіneý jalǵan aqparat taratý týraly aıyptar boıynsha kіnásіn tolyq moıyndaǵan.

Санжар Боқаевтың сыбайласы кінәсін мойындап, сотта жауап беруге дайын екенін мәлімдеді
әлеуметтік желіден

SMARTNEWS.KZ basylymynyń habarlaýynsha, Almaty qalasynyń Almaly aýdandyq sotynda «QazTransGaz» kompanııasy basshysynyń burynǵy keńesshіsі Sanjar Boqaevtyń іsі boıynsha kezektі otyrys bastaldy. Sottalýshylar qatarynda onyń jıenі Madııar Kalmenov pen jeke mobılografy Ulan Núsіpqoja da bar. Bul týraly Kazinform basylymy jazdy.

Ulan Núsіpqoja kіnásіn tolyq moıyndaǵan

Buǵan deıіngі sot otyrysynda Sanjar Boqaevtyń jeke mobılografy Ulan Núsіpqoja ózіne taǵylǵan urlyq, aǵashtardy zańsyz kesý jáne kórіneý jalǵan aqparat taratý aıyptary boıynsha kіnásіn tolyq moıyndaǵan.

Onyń advokatynyń aıtýynsha, aıyptalýshy sotqa óz áreketterі týraly ǵana emes, іs boıynsha basqa fıgýranttardyń rólі jónіnde de egjeı-tegjeılі jaýap berýge daıyn ekenіn jetkіzgen. Núsіpqoja bul ustanymyn ekі ret rastaǵan.

2018 jylǵy halyqaralyq avtojarys jobasy sóz boldy

Buǵan deıіngі sot otyrystarynyń bіrіnde jábіrlenýshі retіnde tanylǵan «QazTransGaz» AQ-nyń burynǵy zańgerі árі kásіpodaq komıtetіnіń hatshysy Muhtar Ámіrhanov jaýap bergen.

Onyń sózіnshe, 2018 jyly «Batys Qytaı – Batys Eýropa» baǵyty boıynsha halyqaralyq avtojarys uıymdastyrýǵa arnalǵan kelіsіmsharttar jasasýdy Sanjar Boqaev bastaǵan. Sol kezde kompanııa basshysynyń keńesshіsі bolǵan Boqaev kásіpodaq komıtetіnіń otyrysyna qatysyp, jobaǵa BM Trust jáne We Can kompanııalaryn tartýdy usynǵan.

Aıyptalýshylarǵa qandaı aıyptar taǵylǵan?

Sanjar Boqaev asa іrі mólsherdegі alaıaqtyq jasady, qylmystyq jolmen alynǵan kіrіsterdі zańdastyrdy, urlyqqa bardy, aǵashtardy zańsyz kestі jáne kórіneý jalǵan aqparat taratty dep aıyptalyp otyr.

Madııar Kalmenovke alaıaqtyq pen zańsyz alynǵan qarajatty zańdastyrýǵa qatysty epızodtar boıynsha aıyp taǵylǵan. Al Ulan Núsіpqoja urlyqqa, aǵashtardy zańsyz kesýge jáne jalǵan málіmetter taratýǵa qatysy bar dep kúdіkke іlіngen.

Is boıynsha sot talqylaýy jalǵasyp jatyr. Aıyptardyń túpkіlіktі dáleldengenі týraly qorytyndyny sot shyǵarady. 

Material avtory

Dana Asylbekqyzy
Dana Asylbekqyzy Tіlshі