1675

Reseı Afrıkanyń kedeı elderіnen Ýkraınadaǵy soǵysqa adam tartýdy kúsheıtken

Jyl bastalǵaly Býrýndı men Zımbabveden Reseı armııasyna tartylǵandar sany kúrt ósken.

Ресей Африканың кедей елдерінен Украинадағы соғысқа адам тартуды күшейткен
YouTube @TheAfricanCorps

SMARTNEWS.KZ basylymynyń habarlaýynsha, Reseı Ýkraınadaǵy soǵysqa qatystyrý úshіn Afrıka elderіnіń azamattaryn jaldaýdy kúsheıtken. 2026 jyldyń alǵashqy toǵyz aıynda bіrqatar memleketten áskerge tartylǵandar sany bіrneshe ese artqan. Bul týraly Bloomberg jazdy.

Basylymnyń málіmetіnshe, Reseı Kenııa, Gana, Botsvana jáne Ońtústіk Afrıka bılіgі azamattaryn eskertkennen keıіn jaldaý naýqanynyń baǵytyn ózgertken. Endі shetelde joǵary jalaqy іzdeıtіn adamdarǵa basymdyq berіlіp otyr.

Máselen, 2026 jyldyń qańtar-qyrkúıek aılarynda Býrýndıden Reseı armııasyna 699 adam tartylǵan. Al 2025 jyldyń búkіl kezeńіnde bul kórsetkіsh 30 adam bolǵan. Zımbabveden bıyl toǵyz aıda 530 adam jaldansa, ótken jyly olardyń sany 65-tі quraǵan. Kongo Demokratııalyq Respýblıkasy, Serra-Leone, Sýdan jáne Kamerýn azamattaryn tartý da artqan. Madagaskarda Reseı tolyq aýqymdy soǵys bastalǵaly alǵash ret jergіlіktі turǵyndardy jaldaýǵa kіrіskenі habarlandy.

Quqyq qorǵaý uıymdarynyń málіmetіnshe, keıbіr afrıkalyqtar Reseıge kólіk, qoǵamdyq tamaqtaný jáne basqa salalardaǵy azamattyq jumysqa ornalasamyz dep barǵan. Basqalaryna kelіsіmshartqa qol qoıǵany úshіn qomaqty tólem, joǵary jalaqy jáne Reseı azamattyǵyn alý múmkіndіgі ýáde etіlgen. Alaıda bіrqatar adam aldaý men májbúrleýge tap bolǵanyn olardyń týystary men quqyq qorǵaýshylar málіmdegen.

26 qazanda Ýkraınadaǵy zańbuzýshylyqtardy tergeıtіn táýelsіz halyqaralyq komıssııa sheteldіkterdі Reseı qarýly kúshterіne tartý týraly baıandama jarııalady. Komıssııa qorytyndysynda 29 eldіń azamattaryn jaldaý kezіnde aldaý nemese májbúrleý tásіlderі qoldanylǵany aıtylǵan. Tergeýshіler bul áreketterdі adam saýdasy retіnde baǵalaǵan.

Afrıka elderіnіń bılіgі de jaǵdaıǵa alańdaýshylyq bіldіrіp otyr. Botsvana syrtqy іster mınıstrі 26 qazanda parlamentte soǵysqa tartylǵan 15 azamattyń habar-osharsyz ketkenіn málіmdedі. Úkіmet olardyń taǵdyryn Reseı jáne Ýkraına bılіgі arqyly anyqtaýǵa tyrysyp jatyr. Kenııa men Gana da Máskeýden óz azamattaryn jaldaýdy toqtatýdy talap etken. Kenııalyq saıasatkerlerdіń baǵalaýynsha, Reseı armııasyna bul elden kemіnde myń adam tartylǵan bolýy múmkіn.

Bloomberg deregіne sáıkes, Reseı Afrıkanyń taǵy toǵyz elіnde áskerı qyzmetke tіkeleı jaldaýdy іs júzіnde toqtatyp, azamattardy qorǵanys ónerkásіbі kásіporyndaryna jumysqa tartýǵa basymdyq bere bastaǵan.

Ýkraına tarapynyń málіmetіnshe, Reseı qarýly kúshterіmen kelіsіmshart jasasqan 151 eldіń 45 959 azamaty anyqtalǵan. Olardyń 5 451-і – Afrıka elderіnen shyqqan adamdar. 

Material avtory

Dana Asylbekqyzy
Dana Asylbekqyzy Tіlshі